Baxtiyor Ashurmatov jamoadan ketgach bosh murabbiy lavozimi bo'shab qolgandi. Avvalgi ikki turda esa "Buxoro"ni yoshlar jamoasi murabbiyi Mirislom Xasanov vaqtincha boshqargandi.
FIFA kunlari tufayli yuzaga kelgan tanaffus paytida Buxoroga xorijdan mutaxassis kelishi kutilmoqda.
Bu haqda saytimiz xodimi SHahboz Beg'amov malum qildi.
Ayni paytda rahbariyat rossiyalik Andrey Gordeev nomzodini ko'rib chiqmokda. SHu kunlarda Buxoroga Andrey Gordeev tashrif buyurishi xamda klub, jamoa va sharoitlar bilan tanishib, muzokaralar o'tkazilishi kutilmoqda. Agarda muzokaralar muvaffaqiyatli tugasa, unda "Buxoro" va Gordeev o'rtasida bitim imzolanadi.
Qayd etish kerakki, "Buxoro"ni boshqarishi mumkin bo'lgan murabbiylar orasida Aleksandr Xomyakov nomzodi ham ilgari surilgandi. Birok tomonlar o'zaro kelishuvga erishishmadi va Xomyakov "Andijon" variantini maqul topdi.
Andrey Gordeev o'z vaqtida "Anji"da Gus Xiddink yordamchisi sifatida ishlagan. Mutaxassisning oxirgi ish joyi esa Rossiya yoshlar terma jamoasi bo'lib turibdi.
Bosh sahifaga
262