10. 20 yoshida Krishtianu Ronalduning otasi vafot etgan
2005 yil. Portugaliya terma jamoasi safida Gollandiya termasiga qarshi o'yinga tushgan vaqtida Ronalduga otasining vafoti haqida malumot berishdi. U maydondaligida yig'lab yubordi. Uchrashuvning 34-daqiqasida uning o'rniga boshqa futbolchi maydonga tushdi. MYU safida keyingi o'yinida urgan golini otasiga bag'ishlagandi. Keyinchalik otasining vafoti yaqinlashgan vaqtda urgan golida otasini xotirlaydigan bo'ldi.
9. Zinedin Zidan yoshligida juda kambag'al bo'lgan
Futbolning tirik afsonasi, "Real"ni ketma ket ikki marta ECHLda chempion qilgan, uchinchisini ham xohlayotgan Zinedin Zidan yoshligida juda kambag'al, o'zi oilada eng kichik farzand bo'lgan. Yashaydigan uyi esa juda kichkina va tor edi. SHu boisdan Zidan tezroq sportchi bo'lish uchun sportning kikboksing va velosport turlariga qatnashgan.
8. Zlatan Ibragimovich - yoshligida ovqatga pul topish uchun o'g'irlik qilgan
2 yoshga kirganida ota-onasi ajrashadi. Bo'lajak futbolchining onasi bolalarini boqish uchun tirishqoqlik bilan ishlaydi. Zlatan esa velosipedlar o'g'risiga aylanadi. 15 yoshiga kirganida futbol o'ynagisi kelmaydi va oilasini boqish uchun ish topadi va ishlaydi. Keyinchalik uni bir murabbiy ko'rib qoladi va futbol bilan shug'ullantiradi.
7. Luis Suares - yoshligida ota-onasi ajrashadi va buvisi va akalari bilan yashaydi
Luisning oilasida 7 o'g'il bo'lgan, ularni boqish oson emasdi. Luis 9 yoshga kirganida uning ota-onasi ajrashadi, oqibatda oila azolari bo'linib ketadi. Bolalar u erdan bu erga ko'chib yurishadi. Luisning so'zlariga ko'ra, yashagisi kelmayotgan vaqtida uni hayotini bo'lajak turmush o'rtog'i - Sofiya Balbi qutqargan. Aynan u bilan tanishgandan keyin oldiga maqsad qo'ygan va hozirgi darajasiga etgan.
6. Anxel Di Mariya - chuqurga yiqilib tushgan va mo'jiza tufayli tirik qolgan
Bolaligida Di Mariya chuqurga yiqilib tushgan. Bir necha joyi singan. Mo'jiza tufayli u tuzalib ketgan.
5. Luka Modrich - oyog'i sinib, futboldan ketishi mumkin bo'lgan
Modrichning oilasi juda kambag'al bo'lgan. Luka endi futbol bilan shug'ullanishni boshlaganida otasi unga oyoqni himoyalovchi buyum (shit) sotib olib bera olmagan. SHu boisdan unga eman daraxtidan shunday shitlar yasab bergan. Bir kuni maydonda do'stlari bilan futbol o'ynayotganida oyog'iga qattiq zarba qabul qilib oladi va oyoq sinadi. Baxtni qarangki, uning omadi keladi va futbol o'ynashni davom ettiradi.
4. Leo Messi - bo'yi o'smasligidagi gormonal kamchiliklar
Messi bolalik yillarida bozorda choy sotgan. Oilasi juda kambag'al bo'lgan. Otasi choy fabrikasida ishlagan, onasi esa farrosh bo'lgan.
9 yoshligida unga dahshatli tashxis qo'yiladi - bo'yi o'smasligidagi gormon etishmaslik. Bunday kasallik bilan futbol o'ynamaslik kerak edi. Argentina jamoalari uni davolash uchun pul to'lab berishmadi. Uning davolanishi uchun oyiga 1000 dollar ketardi. Keyinchalik "Barselona" pulni to'lab berishga rozi bo'ladi va shu orqali Messining jamoa bilan yo'llari to'qnash keladi.
3. Karlos Teves - bolaligida ustiga qaynoq suv to'kilib ketgan
Karlos 1 yoshga ham to'lmaganida onasi undan voz kechadi va uydan ketib qoladi. Oradan 2 oy o'tib u o'zi uchun qahva tayyorlamoqchi bo'ladi va qaynoq suvni olayotganida ustiga to'kilib ketadi. Bunga 3-darajali kuyish deb baho beriladi. Karlos dahshatli yaralar to'siq bo'lsa ham, uni engib o'ta oldi. 6 yoshligida esa yana bir dahshatli hodisa ro'y beradi. Uning otasini otib ketishadi. Otaning tanasidan 23 ta o'q topiladi.
2. Yakub Blashhikovski - otasi onasini o'ldirayotganining guvohi bo'lib qoladi
Odam uchun bundan og'ir taqdir bo'lmasa kerak. Yakub 6 yoshga kirganida dahshatli hodisaning guvohi bo'lib qoladi. Otasi Yakubning onasini ko'z oldida o'ldirib qo'yadi. Bu esa bolakayni karaxt ahvolga tushurdi. Futbol bilan shug'ullanayotganida depressiya holatiga tushib qoladi. Kelajakda Yakub Polsha terma jamoasining sardori bo'ladi.
1. Frank Riberi - 2 yoshligida avtohalokat natijasida ota-onasidan ajraladi va bir umr ketmaydigan chandiqlarni orttirib oladi
Frank Riberining tragik hodisasi ayanchliroq. 2 yoshligida u va oilasi avtohalokatga uchraydi. O'sha vaqtda ular o'tirgan avtomobil yuk mashinasi bilan to'qnashib ketadi. Frank oynaga uriladi va boshi yoriladi. SHundan keyin uning tanasiga 100dan oshiq chok tushadi va bir umr ketmaydigan chandiqlarni orttirib oladi.
Mirjalol Normatov tarjimasi
Bosh sahifaga
167