"Misr terma jamoasi Afrikadagi eng kuchli jamoalardan biri hisoblanadi. SHunday ekan, oldinda bizni kuchli raqibga qarshi qiziqarli uchrashuvlar kutib turibdi. Biz uchrashuvda ijobiy natijaga erishish uchun harakat qilamiz va umid qilamanki, stadionga yig'ilgan muxlislarni xursand eta olamiz. Buning uchun esa andijonlik ishqibozlar ham jamoamizni faol tarzda qo'llab-quvvatlashlariga ishonaman. Qolaversa, tarkibimizda ajoyib futbolchilar bor va ular o'z vaqtida Osiyo chempioniga aylanishgan. Bunday raqibga qarshi bahsda o'zlarini ko'rsata oladilar, deb umid qilaman.
Umuman olganda, Misr terma jamoasi haqida malumotlarga egamiz. Futbolchilarimiz ham ertaga qanday raqibga qarshi maydonga tushishlarini yaxshi bilib turibdilar. Biz Misrning o'yinlarini jamoaviy tarzda ham ko'rib, tahlil qilib chiqdik. Muxlislarni qiziqarli to'qnashuv kutib turibdi.
Tarkibimizda yo'qotishlar yo'q emas. Bir qator futbolchilarimiz milliy terma jamoamizga chaqirilishgan bo'lsa, Islom Kenjaboev bilan Jasur Yaxshiboevda jarohatlar bor. Albatta, tarkibimizda yangi nomlar ham yo'q emas. Bu o'yin esa ular uchun o'zlarini ko'rsatishga bo'lgan imkoniyat. Olimpiya terma jamoasida o'zini ko'rsatgan o'yinchilar milliy termaga ham jalb etilmoqdalar. O'ylaymanki, tarkibimizdagi har bir o'yinchi ham milliy termada to'p surishni istaydi. Buning uchun esa ular o'zlarini har tomonlama ko'rsata olishlari lozim. Bu borada esa har bir futbolchimizda bunday imkoniyat bor. Oldimizda Osiyo chempionati musobaqasi turibdi. Asta-sekin ushbu musobaqaga tayyorgarlik ko'rib boryapmiz. Hammasi rejamiz asosida davom etmoqda", - dedi Lyubinko Drulovich.
Bosh sahifaga
244