Futzal. OAV diqqatiga: 9 fevral kuni turnir-oldi matbuot anjumani o'tkaziladi

2016-02-07 13:50:01 / Kiritdi: BestMaster O'qilgan: 894

9 fevral 12:00 da Toshkentdagi "Interneyshnl" (sobiq "Interkontinental") mehmonxonasida (1-qavat, Crystal Ballroom) futzal bo'yicha Osiyo chempionatiga bag'ishlangan turnir-oldi matbuot anjumani bo'lib o'tadi.

Matbuot anjumanida "A" va "V" guruhlaridagi jamoalar bosh murabbiylari ishtirok etadi.

Malumot uchun, “A” guruhidan O'zbekiston, Saudiya Arabistoni, Livan hamda Qirg'iziston jamoalari o'rin olgan bo'lsa, “V” guruhida Iordaniya, Xitoy, Iroq hamda Eron jamoalari joylashgan.

Takidlash kerakki, matbuot anjumanida, shuningdek, jurnalistlar uchun akkreditaciya ham tarqatiladi.

Mehmonxonaga kirish guvohnoma/pasport bo'yicha. Akkreditaciyalarni olish uchun jurnalistlarga guvohnoma kerak bo'ladi.

Eslatib o'tamiz, futzal bo'yicha XIV Osiyo chempionatiga Toshkent mezbonlik qilmoqda. Ushbu turnir 10 - 21 fevral kunlari bo'lib o'tadi. Musobaqada eng yuqori besh o'rinni qo'lga kiritgan jamoa shu yilning sentyabr oyida Kolumbiyada o'tkaziladigan Jahon chempionati yo'llanmasini qo'lga kiritadi.

Teglar: futzal, diqqatiga, fevral, kuni, turnir-oldi, matbuot, anjumani, otkaziladi,
← Oldinga Orqaga →