Masalan, endi hujum qilayotgan jamoa vakillari jarima zarbasi vaqtida raqibning jonli devoriga tura olmaydi, murabbiylarga esa sariq va qizil kartochkalar ko'rsatiladi.
O'yinga tasir ko'rsatgan birinchi yangi qoida - erkin zarba paytida o'z jarima maydonchasi ichida turgan futbolchiga pas berish mumkinligi. Avvallari futbolchilar to'pni u jarima maydonchasini tark etganidan so'ng qabul qilishardi - hozir esa ichida ham mumkin.
Yangi qoidalar Kopa Amerikada kuchga kirgan. O'yinlarga yaxshilab etibor bering.
Ushbu uslubda pas berilgan bazi o'yinlarda futbolchilar hakamga etiroz bildirishdi, ammo referi hammasi joyida ekanligini aytib, o'yinni davom ettirdi. O'yinchilarga yangi qoidalar bo'yicha tushuntirishlar berilmagan ko'rinadi.
Qiziq holat, UEFA hozircha Millatlar ligasi va Evro-2020 saralashida qoidalarni o'zgartirmadi. Evropa futbolining mutasaddilari bunga quyidagicha izoh berishdi:
"Qisqa vaqt ichida qoidalarni o'rganishda chalkashliklar yuzaga kelmasligi va bahsli vaziyatlar bo'lmasligi uchun yangi mavsum boshigacha ushbu qoidalardan foydalanmaslikka qaror qildik".
Hozircha UEFA bayrog'i ostidagi barcha turnirlar eski qoidalar bo'yicha o'tkazilyapti. Biroq ayollar o'rtasidagi jahon chempionatida yangi qoidalar amalda.
O'zbekiston Superligasida yangi qoidalar qachon qo'llaniladi deysizmi? Yangi qoidalar 1 iyundan kuchga kirdi, bu payt esa O'zbekiston chempionatining deyarli yarmi o'tib bo'lgan edi. SHu sababli turnir o'rtasida tushuntirish o'tkazib, futbolchilarni chalg'itmaslik uchun yangi qoidalar kelasi mavsumdan qo'llaniladigan bo'ldi.
Bosh sahifaga
269