Ayni kunlarda viloyatdagi futbolga ixtisoslashgan maktablarning tarbiyalanuvchilari o'rtasida viloyat bolalar ligasi o'yinlari o'tkazilmoqda. Musobaqani o'tkazishdan maqsad maktab o'quvchilarining yozgi tatil kunlarini mazmunli o'tkazish, futbol maktablari tarbiyalanuvchilari uchun o'yin amaliyotini shakllantirishdan iborat.
Turnirda Farg'ona viloyatining turli shahar hamda tumanlaridan jami 12ta jamoa ishtirok etmoqda. Har bir jamoa musobaqada uchta yosh toifasi bilan ishtirok etadi. Yani 2006 yilda tug'ilgan bolalar alohida jamoa, 2007-2008 yillar yana bir jamoa, hamda 2009-2010 yillarda tug'ilgan bolalar yana alohida jamoa bo'lib musobaqalarda ishtirok etishmoqda. Musobaqada quyidagi jamoalar ishtirok etishyapti.
1.Kimyogar(Qo'qon), 2.Lokomotiv-Bfk (Qo'qon), 3.Parvoz (Uchko'prik), 4.Zafar (Uchko'prik), 5.Beshariq (Beshariq), 6.Do'stlik (Marg'ilon), 7.Umid (Buvayda), 8.Istiklol (Uchko'prik), 9.Neftchi (Farg'ona), 10.Qo'qon-Siti (Qo'qon), 11.Turon (Yaypan), 12.Kimyogar-2 (Qo'qon).
O'yinlar 2 davrali tizimda o'tkazilishi belgilangan bo'lib, jamoalar uy-safar tizimida futbol uchrashuvlarida maydonga tushadilar. Ayni kunlarda musobaqaning 2-tur o'yinlari bo'lib o'tmoqda. Bu o'yinlarda ishtirok etayotgan bolajonlarning ko'zlaridagi shijoatni ko'rsangiz , siz ham yana beg'ubor bolalikka qaytgingiz kelib qoladi. Mana shunday turnirni o'tkazayotgan va unda ishtirok etayotgan jamoalarning murabbiylariga nisbatan haqiqiy futbol fidoiylari degan so'zni ishlatsak mubolag'a bo'lmaydi. Zero shunday turnirlar kelajakda Odil Ahmedov, Javohir Sidiqov, Eldor SHomurodov kabi futbol yulduzlarini kashf qilishga xizmat qiladi.
Quyida bolalar ligasi o'yinlaridan olingan suratlarni etiboringizga taqdim qilamiz.
Akramjon Mamadaliev tayyorladi.
Bosh sahifaga
302