- Bugun biz Liga kubogidagi ikkinchi uchrashuvimizni o'tkazdik. Bugun asosan zahiradagi va yosh futbolchilarini maydonga tushirib, ularga o'zlarini ko'rsatish uchun imkoniyat bergandik. Afsuski, mag'lubiyatga uchradik. Bugungi bahsda futbolchilarining imkoniyati chamalab oldik. Transferlar paytida kimni olib qolish va kimlarni ijaraga berish borasida shu kunlarda yakuniy xulosaga kelamiz. Bugungi natijadan qoniqmadim. Lekin futbolchilarimizning maydonda borlarini berib o'ynaganliklari tahsinga loyiq.
Bu musobaqa bizga kerak. Boshqa futbolchilariga ham o'yin amaliyoti berish uchun ham turnir kerak deb hisoblayman. Har bir jamoaning o'z rejasi bo'ladi. “Lokomotiv” har doim o'z oldiga yuqori maqsadlarni qo'ygan.PFL rahbarlari bilan bu borada gaplashdik. Kelasi mavsumda bu musobaqaning o'tkazish vaqtini jamoalar bilan kelishib belgilashlariga umid qilamiz. Balkim FIFA kunlariga belgilansa yaxshi bo'lardi. Terma jamoaga chaqirilmaydigan futbolchilarga imkoniyat berilar edi.
“Qo'qon-1912” jamoasi keyingi bosqichga chiqqani bilan tabriklayman. Jamoaga keyingi o'yinlarda omad tilayman. Qo'qonlik muxlislarga ham hurmatim baland. Ular doim jamoalarini faol tarzda qo'llab turishadi.Ularga kelgusi o'yinlarda ham omad tilayman -dedi Samvel Babayan.
Bosh sahifaga
118