Sergey Kovshov: "Tanlovda adashmaslikka harakat qilaman"

Safar oldidan Sergey Kovshov bilan birinchi davra yakunlari va tarkibga qo'shiladigan yangi futbolchilar to'g'risida qisqagina suhbatlashdik:

- Ortda qolgan birinchi yarim yillik natijalariga ko'ra, jamoaning ishtirokini qanday baholaysiz?
- Rostani aytsam, ko'nglim u qadar to'lmadi. SHogirdlarimning xatti-xarakatlariga qoniqarli baho qo'ya olmayman. Tabiiyki, nega degan savol tug'iladi. Malumki, bu yil oldimizda Superligaga qaytish vazifasi turibdi. O'z oldiga yuksak maqsadlarni qo'ygan jamoa har qanday musobaqada ham maksimal darajada ishtirok etishi kerak. Biz esa tanaffusga turnir jadvalida hatto ikkinchi o'rin bilan ham chiqa olmadik. Ligadagi asosiy raqobatchilarimiz - “Istiqlol”, “Neftchi”, “Oq tepa” ayniqsa, Muborakning “Mashal” jamoasiga o'z maydonimizda ketma-ket ikki marta mag'lubiyatga uchrashimiz vohadagi muxlislarimizni yaxshigina ranjitdi. Darvozamizdan bir o'yinda 3, 4 va 5 tagacha gol o'tkazib yuborganimizni qanday izohlashga ham hayronman. Bunda hammamiz – murabbiylar guruhi va futbolchilar aybdormiz.

- Demak yozgi tanaffusda selekciya ishlariga ham urg'u berilar ekanda?
- Yuqoridagi gaplardan ko'rinib turibdiki, tarkibni kuchaytirish masalasiga etibor qaratishimiz zarur.

- Qaysi chiziqlarni kuchaytirmoqchisiz?
- Umuman olganda barcha chiziqlarda o'zgarishlar bo'ladi. Yana ham aniqrog'i darvozabon, markaziy himoyachi, qanot yarim himoyachisi va hujumchiga ehtiyojimiz bor.

- Sir bo'lmasa, kimlar tarkibni tark etadi va qaysi futbolchilar “SHo'rtan” jamoasiga taklif qilinadi?
- Endi hozircha buni oshkor qila olmayman. Toshkentda o'tadigan yozgi o'quv-yig'inimizga bir qator malakali futbolchilarni taklif qilganmiz. Tayyorgarlik jarayonlari va o'rtoqlik uchrashuvlari davomida ularni sinab ko'ramiz. Bu safar tanlovda adashmaslikka harakat qilamiz.

- Bu yil yangi musobaqa tashkil qilindi. Jamoaning Liga Kubogidagi ishtirokini qanday izohlaysiz?
- Professional Futbol Ligasi tomonidan tashkillashtirilgan yangi O'zbekiston Liga Kubogi-2019 musobakadan ko'nglim to'ldi. Unda faqat Superliga emas, Pro-Liga jamoalarining ham ishtirokidan xursandaman. Guruhdan muvaffaqiyatli o'tdik. Lekin asosiy kurash oldinda turibdi. O'zbekiston Kubogida omadimiz yurishmadi. Bu turnirda esa g'oliblik uchun harakat qilamiz.