Unga ko'ra O'zbekiston terma jamoasi "D" guruhida Saudiya Arabistoni, Falastin, Yaman va Singapur bilan kurash olib boradigan bo'ldi. Quradan so'ng taniqli futbol mutaxassisi Alisher Nikimbaev qiziq jihatga etibor qaratdi.
"O'zbekiston terma jamoasining guruhi geopolitika tomonlama qiziqarli bo'ldi.
O'tgan JCH saralash bosqichida Saudiya Arabistoni Falastinga borishni istamagandi (BAA esa Falastinga borgandi). Falastin futbol federaciyasi xavfsizlik nuqtai nazaridan o'z uyida o'ynamaslikka qaror qilgani bois Saudiya Arabistoni texnik mag'lubiyatdan qutulib qolgandi. Yakunda bahs Iordaniyada bo'lib o'tgandi, u erda Falastin Malayziyani ham qabul qilgandi.
Endi Falastin uy o'yinlarini qaerda o'tkazadi? 5 sentyabr kuni O'zbekiston terma jamoasi Falastinga borishi mumkin, 15 oktyabr kungi Falastin - Saudiya Arabistoni uchrashuvi esa neytral maydonda bo'lib o'tishi mumkin.
Yamanning uy o'yinlari bilan ham qiziq vaziyat sodir bo'lishi mumkin. O'tgan saralash bosqichida Yaman mehmonlarni (ular qatorida O'zbekistonni ham) Doxada qabul qilgandi. Ammo shundan keyin Qatar va bir qator qo'shni davlatlar o'rtasida diplomatik aloqalar uzildi. Yaman ham mana shu davlatlar qatorida edi. Yaman uy o'yinlarini Saudiya Arabistonida o'tkazishi taxmin qilingandi, ammo ikki terma jamoa bir guruhda ekanligi bois bunday bo'lmasligi mumkin.
Bu savollarga javobni tez orada bilib olamiz", - deb yozadi Alisher Nikimbaev telegramdagi o'z kanalida.
JCH-2022 saralashi. Falastin va Yaman uy o'yinlarini qaerda o'tkazadi?
/ Kiritdi: BestMaster O'qilgan: 444
Bosh sahifaga
304