Avvalroq, ispaniyalik mankunianliklar bilan 6 yillik shartnoma imzolashi va eng ko'p maosh oluvchi darvozabonga aylanishi haqida xabar berilgandi. De Xea o'zining tajribasi yosh o'yinchilarning rivojlanishida katta rol o'ynashi mumkin deb hisoblamoqda.
"Bir qancha o'yinlarda sardor bo'ldim. MYU kabi klubning sardori bo'lish va uning sharafini himoya qilish juda ajoyib. Albatta, jamoaning sardori bo'lishdan juda va juda xursand bo'laman. Bu mening klubdagi 9-mavsumim va o'zim tajribali o'yinchilardan biri ekanligimni his qilmoqdaman. Men buni maydonda isbotlashga va yigitlarga yordam berishga intilaman", - deydi De Xea.
MYU bosh murabbiyi Ole-Gunnar Sulsher bu borada bir qarorga kelganicha yo'q. Avvalroq, norvegiyalik mutaxassis yarim himoyachi Pol Pogba variantini ko'rib chiqayotgandi.
Bosh sahifaga
233