Musobaqa oldidan olmaliqliklar bosh murabbiyi Aleksandr Petrovning fikrlari bilan qiziqdik.
- Guruhda jiddiy raqiblar bilan to'qnash kelamiz. Vetnam chempioni "Tai Son Nam" o'tgan yilgi musobaqaning finaligacha etib borgan. Adashmasam ular tarkibga braziliyalik va eronlik ikki legionerni jalb qilishgan. Iroq va Qatar klublari haqida ko'plab malumotlarga egamiz deya olmayman. Oldingi musobaqalardagi ishtirokdan kelib chiqib aytadigan bo'lsam, bu ikki jamoa ham kuchli.
SHogirdlarim ayni paytda taxminan 70 foizga tayyor deb ayta olaman. Yigitlar yosh va o'ynashga bo'lgan ishtiyoqlari kuchli. Rahbariyat xalqaro musobaqaga tayyorlanishimiz uchun sharoit yaratib berdi. Tojikistonda yig'in o'tkazdik va Qirg'izistonning amaldagi chempioni hamda vice-chempionini mag'lub etib o'rtoqlik turniri g'olibi bo'ldik. Futzalchilarimizda xohish kuchli.
Musobaqada yarim finalgacha etib borishga harakat qilamiz. Birlamchi vazifa esa - guruhdan chiqish.
AGMK Klublar o'rtasidagi Osiyo chempionatiga 5 avgust kuni yo'l oladi. Olmaliqliklar musobaqaning "B" guruhida "Tai Son Nam" (Vetnam), "Naft Al Vasat" (Iroq) va "Ar Rayan" (Qatar) klublari bilan kurash olib boradi.
AGMK jamoasining Osiyo chempionatida qatnashadigan yakuniy tarkibi elon qilindi
Eslatib o'tamiz, futzal bo'yicha Klublar o'rtasidagi Osiyo chempionati 7-17 avgust kunlari Tailand poytaxti Bangkok shahrida bo'lib o'tadi.
Futzal. O'zbekiston MTJ nazorat o'yinida AGMKga imkoniyatni boy berdi
Bosh sahifaga
338