Rossiya Federaciyasining Sochi shahrida mehribonlik uyi tarbiyalanuvchilaridan iborat jamoalar o'rtasida xalqaro Superkubok musobaqasi bo'lib o'tdi. Ushbu musobaqada Jamshid Asadov boshchiligidagi O'zbekiston terma jamoasi ham qatnashdi. Turnir reglamentiga muvofiq unda 2004-2005 yillarda tug'ilgan futbolchilar to'p surdi.
Rossiya, Turkiya, O'zbekiston va Kataloniya terma jamoalari ham ishtirok etgan Xalqaro Superkubok musobaqasida dastlabki uchrashuvlar o'tkazilib, finalchilar aniqlangan edi. Finalda o'zbekistonlik futbolchilar rossiyalik tengqurlariga qarshi maydonga chiqishdi. Final o'yinining asosiy vaqti 1:1 hisobida yakunlandi. Penaltilar seriyasida esa omad mezbonlarga kulib boqdi va shu tariqa Jamshid Asadov boshchiligidagi O'zbekiston terma jamoasi mazkur turnir kumush medallariga sazovor bo'ldi.
Bosh sahifaga
332