O'zbekiston terma jamoasi JCH-2022 saralash o'yinlarini 5 sentyabr kuni Falastinga qarshi bahs bilan boshlaydi. Malumki, ushbu yurt terma jamoasi hozirda G'arbiy Osiyo futbol federaciyasi chempionatida ishtirok etyapti.
Falastinliklar bungacha uchta o'yinda maydonga tushib, avvaliga Yamanni 1:0 hisobida mag'lub etgan bo'lishsa, ikkinchi bellashuvda Iroqqa 1:2 hisobida imkloniyatni boy berishdi va kecha Livan bilan 0:0 o'ynashdi.
Jamoa bosh murabbiyi Nuriddin Ould Ali mazkur musobaqa hamda sentyabrda boshlanadigan JCH saralash bahslari haqida fikr bildirdi.
- "G'arbiy Osiyo chempionatida ishtirok etishdan maqsadimiz bitta: jahon chempionati saralash o'yinlariga puxta tayyorgarlik ko'rish. O'ylaymanki, bu musobaqa orqali o'z tajribamizni oshirib boryapmiz. Yana bir oydan so'ng JCH-2022 saralash bosqichi boshlanadi va bor kuchimiz mana shunda oydinlashadi".
- "JCH saralashdagi ilk uchrashuvni O'zbekiston terma jamoasiga qarshi o'tkazamiz. Bu juda yaxshi shakllangan jamoa. Biz G'arbiy Osiyo chempionatida Iroqqa mag'lub bo'ldik va Livan bilan durang o'ynadik, shunga qaramay ishlashda davom etyapmiz. Ham himoyada, ham hujumda ko'p ishlashimiz kerak. Hozirda jamoa uchun eng muhimi ko'plab muxlislar qarshisida to'p tepganda o'zini yo'qotib qo'ymaslik. CHunki saralash bahslari boshlansa har xil stadionda o'ynaymiz".
- "Biz endi ishning boshida turibmiz. Terma jamoa o'tgan oy yig'ilib bo'lajak o'yinlarga tayyorgarlik ko'ra boshladi. G'arbiy Osiyo chempionatida hozircha mahalliy futbolchilar yordamidan foydalanyapmiz. Lekin jahon chempionati saralash o'yinlarida legionerlarni ham chaqiramiz", - deydi Falastin terma jamoasi bosh murabbiyi.
Bosh sahifaga
189