Ro'ziqul Berdiev: “Natija uchun aybdormiz”

- Bugungi bellashuv haqida nima deyish mumkin? Muxlislar oldida natija uchun aybdormiz. Buni hammamiz tushunib turimiz. CHunki oxirga o'yinlarda shijoatsiz o'yin ko'rsatayabmiz. Lekin yana bir jihatni aytib o'tishim kerak. So'ngi bellashuvlarda ko'p himoyalanadigan jamoalarga qarshi o'ynayabmiz. Ko'pchilik bo'lib himoyada o'ynaydigan jamoani himoyasini yorib o'tishga imkoniyat topa olmayabmiz. Bu bizning asosiy muammomiz bo'lib qolayabdi. So'ngi bellashuvlar shuni ko'rsatayabdiki biz huddi hujumchilarsiz harakatlanayotgandekmiz. Bugungi uchrashuvda ham guvohi bo'ldinglar “Buxoro” jamoasi himoyada o'ynadi. Qarshi hujumlardan foydalanishga harakat qilishdi va buni uddalashdi. Yigitlarga bugungi bellashuv huddi shunday bo'lishini takidlagan edim va ulardan shoshilmasdan harakat qilishlarni tayinlagandim. Ammo birinchi bo'limning o'rtalarida futbolchilarmiz shoshilib harakat qila boshlashdi. Bu esa raqibimizning qarshi hujumda erkin harkat qilishiga imkoniyat yaratdi. Hisobda ortda qolishimizga qaramasdan butun jamoa bo'lib bor etiborimizni hujumga qaratdik. Uchrashuvda yaratgan vaziyatlarmiz g'alaba qozonishga kamlik qildi.