Etakchilar jangida yirik hisob
SHarqiy mintaqada birinchi o'rinni egallab turgan "Nyu-York Siti" o'z maydonida yaqin taqibchilaridan biri "Atlanta"ni qabul qildi. O'yinda atlantaliklar g'alaba qozonishsa, raqibga maksimal darajada yaqinlashib olishlari mumkin edi. Lekin amalda bunday bo'lib chiqmadi. Oldiniga, qandaydir 20 daqiqa ichida Aleksandru Mitrice "xet-trik"ni rasmiylashtirib, mehmon jamoani karaht ahvolga solib qo'ydi. Ikkinchi bo'lim boshidanoq, nyu-yorkliklar yana hujumga otlanishdi va bu o'z samarasini berdi. Bu vaziyatda, Martines penaltidan unumli foydalanib hisobni yiriklashtirdi - 4:0. Uchrashuv so'nggida, Eber o'rtadagi farqni qisqartirishga erishdi. Biroq, mehmonlarning kuchi bundan ortig'iga etmadi.
Autsayderga qarshi autsayder
G'arbiy mintaqada kumush medallarga asosiy davogar bo'lgan "Miinesota" o'z uyida so'nggi pog'onalardan birida borayotgan "Sporting Kanzas-Siti"ni mehmon qildi. Dastlab, Barat 7-daqiqadayoq tezkor goli bilan hisobni ochib berdi. Ammo, Minnesota shahri jamoasi futbolchilari ajoyib o'yin namoyish etishdi va irodali g'alabaga erishdi. Osvaldo Alonso va Dotsonning so'nggi daqiqada urgan gollari evaziga mezbonlar uch ochkoni ilib ketishdi.
Los-Anjelesliklarda yana g'alaba
"La Gelaksi"ning g'alabali seriyasi uchta o'yinga etdi. Bu safar, jamoa mehmonda "Real Solt-Leyk" bilan bahs olib bordi va raqibini ishonchli hisobda mag'lubiyatga uchratdi. O'yindagi barcha gollar ikkinchi bo'limda urildi. Pavon hisobni ochgan bo'lsa, 80-daqiqada yana o'sha tinib-tinchimas Ibragimovich o'zini ko'rsatdi. Uchrashuv tugashiga bir daqiqa qolganda, Nedum Onuoxa o'rtadagi farqni qisqartirdi. SHu tariqa, "La Gelaksi" turnir jadvalida 3-o'ringacha ko'tarilib olishdi.
O'xshash jamoalar to'qnashuvi
Joriy turda yagona durang qayd etilgan o'yinda deyarli bir hil ochko to'plagan va o'z mintaqasida 7-pog'onani band etib turgan klublar o'zaro hisob-kitob qilib olishdi. Unda, "Portlend Timbers" o'z maydonida sharqiy zonadagi ko'proq durangga moyil bo'lgan jamoa "Nyu-Inglend" bilan bahs olib bordi. Jeremi Ebobissning "dubl"iga mehmonlardan Bou va asosiy vaqtga qo'shib berilgan ettinchi daqiqada Xil penaltini aniq amalga oshirgan holda javob qaytarishdi.
Peshqadam xyustonliklarni er tishlatdi
Joriy tur, musobaqa jadvalida uzoq vaqt karvonboshilikni hech kimga bermay kelgan "Los-Anjeles" klubi o'z muhlislari qarshisida autsayder "Xyuston Dinamo"ni 3:1 ko'rinishida engdi va chempionlikni munosib nishonladi. Avvaliga, liga bosh to'purari Karlos Vela yuzaga kelgan penaltini golga aylantirgan bo'lsa, oradan besh daqiqa o'tar-o'tmas Miller o'z darvozasini ishg'ol qilib qo'ydi. O'yinning ikkinchi yarmida, Rossi hisobni yiriklashtirdi. Ushbu uch golga mehmonlardan Atuesta kiritgan to'pi bilan javob qaytardi.
G'arb o'rtamiyonasiga qarshi sharq etakchisi
SHarqiy mintaqada chempionlikdan hali umidini uzmagan Filadelfiya shahrining aynan shu nom bilan ataluvchi jamoasi g'arbiy zonada 8-o'rinni egallab turgan "San-Xose" mehmoni bo'ldi va muhim uch ochkoni qo'lga kiritib qaytdi. Garchi, hisobni mezbonlar Yueillning goli evaziga ochib olishgan bo'lsada o'yin xotimasi ular uchun ayanchli yakun topdi. Bedoyya va Prjibilkoning kiritgan to'plari "Filadelfiya"ga qimmatli g'alabani taqdim etdi.
Bosh sahifaga
295