Kuni kecha «Bunyodkor» Toshkent Davlat SHarqshunoslik instituti qoshidagi akademik liceyda mehmon bo'ldi. Samimiy ruhda o'tgan uchrashuvda jamoa bosh murabbiyi Vadim Abramov o'quvchilarning bir-biridan qiziqarli, jiddiy savollariga javob berdi.
Jumladan, bir o'quvchi Vadim Karlenovichga «milliy terma jamoani jahon chempionatiga olib chiqasizmi», deya ko'ndalang savol bilan murojaat qildi. To'g'ridan-to'g'ri berilgan bu savol samimiy ruhda o'tayotgan uchrashuvga yanada ko'tarinkilik qo'shdi. Boshqa bir o'quvchi esa, «Bunyodkor»ning bugungi holati bilan qiziqib, mutaxassisdan klubdagi rejalarini so'radi. Aytish kerak, Vadim Abramov barcha savollarga batafsil javob berdi. Bu Vadim Karlenovichning milliy terma jamoaga bosh murabbiy bo'lganidan keyin tashrif buyurgan ilk bilim dargohi bo'ldi.
Tadbir yakunida har ikki tomon bir-biriga sovg'alar ulashdi. Xususan, liceyda direktori Sultonov Hojimurod Abduhakimovich Vadim Abramovga milliy to'nimizni kiydirgan bo'lsa, Vadim Karlenovich o'zining va futbolchilarning dasxati tushirilgan koptok hamda qiziqarli savol bergan uch nafar o'quvchiga «Bunyodkor»ning sovg'alarini taqdim qildi. Qolaversa, «Bunyodkor» futbol klubi tomonidan licey o'quvchilariga jamoaning uy uchrashuvlarini bevosita stadionda tomosha qilishlari uchun bepul chiptalar taqdim qilinishi ham kelishib olindi.
Bosh sahifaga
229