Ushbu sport tadbirini tashkillashdan bosh maqsad mutaxassis va hodimlar o'rtasida sport madaniyatini yanada rivojlantirish, ularning salomatliklarini mustahkamlashdan iborat.
Qura tashlash marosimidan so'ng tadbirning rasmiy ochilish marosimida, avvalo, O'zbekiston Respublikasi davlat madhiyasi yangradi.
Tadbir avvalida so'z olgan DXA Farg'ona viloyati boshqarmasi rahbari Rano Boyqo'zieva bugungi kunda shu sohada olib borilayotgan ulkan o'zgarishlar va islohotlar, ularning zamirida xalq manfaati va ularga yaratilayotgan qulayliklar haqida to'htalib o'tdi. -Albatta, yaxshi dam mehnatga samara big'ishlaydi, -dedi o'z so'zida R.Boyqo'zieva. -SHuning uchun ham bugungidek sport bayramlarini hodimlar o'rtasida tez-tez tashkilashni niyat qilganmiz. O'ylaymanki, bu kabi sport tadbirlari ertangi ish kuningiz, va oilaviy hayotingizda ijobiy samara berishiga ishonaman.
Murosasiz kechgan bellashuvlarda tumanlardan kelgan barcha jamoalar faol ishtirok etdi va bellashuvga puxta tayyorgarlik ko'rganliklarini o'yinlar davomida isbotlashdi.
Demak, kuchli uchlikni band etgan jamoalar bilan tanishamiz:
1-o'rin Farg'ona tumani DXM jamoasiga nasib etdi. Ular jo'shqin futbol o'ynini namoyish etishib barcha jamoalardan ustun ekanliklarini isbotlashdi. 2-o'ringa Farg'ona shahar DXM jamoasi munosib deb topildi. Buvayda hamda Uchko'prik birlashgan futbol jamoasi esa 3-o'rin bilan kifoyalanishdi.
G'oliblikni qo'lga kiritgan jamoalar bilan birgalikda “Eng yaxshi xujumchi”, “Eng yaxshi himoyachi”, “Eng yaxshi to'purar”, “Eng yaxshi darvozabon” naminaciyalari bo'yicha jamoalar vakillari ham esdalik sovg'alari bilan taqdirlandilar.
Bosh sahifaga
132