"Joriy mavsum yaxshi o'yin namoyish etayotgan jamoalarga qarshi o'ynash qiyin. Ular ichki chempionatlarda etakchiliq qilishmoqda va CHempionlar ligasida yaxshi o'rinni band etishgan. "Lokomotiv" kutganimizdan ancha kuchliroq.
Bu "Bayer"ga qarshi o'yindagi kabi oddiy bahs bo'lmaydi. Bu himoyada juda yaxshi harakat qilayotgan ajoyib jamoa. Bundan tashqari, ular qarshi hujumga ham tezkorlik bilan o'tib ketishadi.
Hozir Dibala va Iguain juda soz holatda. Bu biz uchun juda muhim. Biz 21 kun ichida ettinchi o'yinda maydonga tushamiz. Bundan ko'rinib turibdiki, har bir futbolchi o'zini ko'rsatish uchun imkoniyatlarga ega. Har qanday holatda ham xotirjamman va kim ertaga boshlang'ich tarkibda tushishini ko'ramiz.
CHempionat avvalida hozirdagidan ancha kam vaziyatlar yaratgandik. Bu bizni bezovta qilmayapti, chunki o'yinchilarimizning saviyasi vaziyatlardan foydalanib, gol urishimizga zamin yaratadi.
Remzi doim mushaklarida noqulaylik sezyapti. U mushaklarini mustahkamlash ustida ishlamoqda. Biz yuqori yuklamalardan vujudga keladigan muammolarni oldini olmoqchimiz.
Remzi ertaga maydonga tushadi, deb o'ylamayman. Daniloda hammasi joyida. U to'liq tiklanib bo'ldi. Lekin, 90 daqiqa harakat qila olishiga ko'zim etmayapti.
Ronaldu – ajoyib xarakterga ega o'yinchi. Faoliyatida 700-golini urganida, darhol unig 800-golini urishini ham o'ylay boshladim. O'ylashimcha, bu xarakter uni qolgan o'yinchilardan ajratib turadi", – deydi Sarri.
Bosh sahifaga
236