Yig'ilishda asosan ikkita masala ko'rildi. Birinchisi, 2021 yildan boshlab OCHLda jamoalar soni oshirilib 40taga etkaziladi. Malumki, hozir bu musobaqaning guruh bosqichida 32ta jamoa ishtirok etyapti va jamoalar 16tadan SHarq va G'arb mintaqasiga bo'lingan.
OFK qitada OCHL nufuzini yanada ko'tarish maqsadida ishtirokchilar sonini kengaytirishga qaror qildi. Bu degani har bir mintaqaga yana bittadan guruh qo'shiladi. Lekin jamoalar sonini oshirish reytingda yuqori oltitalikda turgan davlatlarga tasir qilmaydi. Bu degani O'zbekistonga 2021-2022 yilgi mavsumlar uchun 1+1 beriladi. OFK yangi guruh qo'shishda asosan Iordaniya, Turkmaniston, Livan, Bangladesh, Hindiston, Tojikiston kabi davlatlarga etibor qaratadi.
Ikkinchi masala bu ayollar o'rtasidagi Osiyo chempionatida yana to'rtta jamoa qo'shiladi va shu bilan ishtirokchilar soni 12taga etkaziladi. Navbatdagi musobaqani o'zida qabul qilish uchun uchta davlat ariza topshirgan: Xitoy Taypeyi, Hindiston va O'zbekiston. Faqat hozircha ayollar futboli bo'yicha keyingi qita birinchiligining qaerda o'tkazilishi malum emas.
Bosh sahifaga
140