Jumladan, Coca Cola Superliga va Pro-ligada tur o'yinlari yakunlangach O'FA Hakamlar va nazoratchilar boshqarmasi tomonidan hakamlar uchun maxsus seminar tashkil qilinib, o'yinlar davomida yo'l qo'yilgan xato va kamchiliklar tahlil qilib borilmoqda.
Bugun O'FA majlislar zalida Superliga va Pro-ligada faoliyat yuritayotgan hakamlar uchun navbatdagi seminar tashkil qilindi. Seminar davomida so'nggi turlarda ishlagan hakamlarning hatti-harakatlari tahlil qilinib, yo'l qo'yilgan bazi xatolar ko'rsatib o'tildi, kamchiliklarni qanday bartaraf etish, keyingi o'yinlarda bu xatolarni takrorlamaslik uchun nimalarga ahamiyat qaratish zarurligi takidlandi.
O'FA Birinchi vice-prezidenti Ravshan Ermatov seminarda ishtirok etgan barcha hakamlarga murojaat qilib, quyidagi fikrlarini aytib o'tdi:
- Yuqori saviyali futbolni sifatli hakamliksiz qurib bo'lmaydi. SHuning uchun biz har bir Superliga va Pro-liga o'yinlaridagi vaziyatlar hamda xatolarni tahlil qilib, keyingi uchrashuvlarda ushbu yo'l qo'yilgan xato-kamchiliklarni qaytarmasligimiz muhim. Aynan shuning uchun biz bu seminarlarni muntazam ravishda o'tkazishni yo'lga qo'ydik va eng muhimi – har bir o'yinni adolat bilan boshqarishingizni futbol va futbol muxlislari kutyapti, - deya takidladi Ravshan Ermatov.
Kunning birinchi yarmida asosan oxirgi turlardagi hakamlar harakatlari tahlil etilgan bo'lsa, tushdan so'ng maydonda amaliy mashg'ulotlar olib borildi. Uchrashuvlar davomida yuzaga kelishi mumkin bo'lgan turli bahsli vaziyatlar bevosita maydonning o'zida bajarilib, shunday holatlarda qay tarzda adolatli qaror chiqarish mumkin ekani tajribali nazoratchi va yo'riqchilar tomonidan tushuntirildi.
Bosh sahifaga
270