TTYMI stadionidagi navbatdagi mashg'ulotlar boshlanishidan oldin Doston Ibragimovni fikrlari bilan qiziqdik.
- Mana bir nech yig'indan beri OTJ tarkibida mashg'ulotlarda qatnashyapsiz. Mazkur vaqt oralig'ida o'zingiz uchun nimalarni kashf qildingiz?
- Olimpiya terma jamoasining murabbiyi o'z vaqtida Evropaning nomdor klublarida to'p tepgan Lyubinko Drulovich sanaladi. Tabiiyki undan ko'p yangi narsalarni o'rgansa bo'ladi. Yig'in quvnoq kayfiyatda o'tyapti. Dubaydagi turnirda g'oliblik uchun harakat qilamiz.
- Aytingchi jamoada to'liqligicha Evropa futboli havosi sezilib turadimi?
- Ha, shunday desa ham bo'ladi.
- Masalan, xorijda futbolchilar o'z ustilarida tinmay ishlaydilar. Mashg'ulotlarga barvaqt kelib qo'shimcha mashqlarni bajarishadi. Milliy terma jamoada yoki olimpiya termasida bunga qay darajada guvoh bo'ldingiz?
- To'g'ri. Bizda ham shunday futbolchilar etarlicha. Albatta aytganingizdek erinchoq futbolchilar yo'q emas. Men o'ylayman hammasi odamning o'ziga bog'liq. Insonda xohish bo'lmasa unga hech kim yordam bermaydi.
- To'g'ri ovqatlanish, kun tartibiga rioya qilish futbolchining o'yniga nechog'lik tasir o'tkazadi?
- Katta ahamiyati bor. Professional futbolchining kun tartibi bo'ladi. Boshqa sport turlarida ham ovqatlanish tartibi muhim rol o'ynaydi.
Abdulaziz suhbatlashdi
Bosh sahifaga
262