Butun mavsum davomida uzoq va mashaqqatli yo'lni mardonavor bosib o'tib, o'z mintaqasida chiroyli g'alabalarga erishish asnosida faqat chempionlikni maqsad qilgan ikki jamoa "Sietl Saunders" va "Toronto" bosh sovrinni qo'lga kiritish uchun keskin va murosasiz jang olib borishdi. Uchrashuvga to'xtaladigan bo'lsak, tengma-teng kurashlar ostida o'tgan birinchi bo'limda muxlislar gol ko'rishmadi.
Barcha gollar o'yinning ikkinchi yarmiga to'g'ri keldi. Dastlab, mezbonlarning gollandiyalik legioneri Kelvin Leerdam hisobni ochdi. Oradan chamasi ygirma daqiqalar o'tgach, zaxiradan maydonga tushgan Viktor Rodriges o'zini ko'rsatdi. 90-daqiqada perulik hujumchi Raul Ruidias raqib jamoa himoyachisini o'zining fantastik tezligi evaziga ortda qoldirib, to'pni aniq nishonga oldi va oradagi farqni yirik ko'rinishga olib keldi.
Vanihoyat, asosiy vaqtga qo'shib berilgan daqiqalarning uchinchisida torontoliklarning ispaniyalik iqtidorli vingeri Alexandro Posuelo tomonidan berilgan zargarona pasni mahalliy tajribali hujumchi Jozi Altidor boshi bilan chiroyli tarzda darvozaga joylab qo'ydi. SHunday qilib, ko'hna Vashington shahri bosh jamoasi ikki yillik tanaffusdan keyin yana taxtga qaytdi va o'z tarixida 2-marta mamlakat chempioniga aylandi!
 Seattle Sounders FC Kelvin Leerdam - 57', Victor Romero Rodriguez - 76', Raul Ruidiaz - 90' | Major League Soccer Playoff . final-tur 11/11/2019, 01:10 1 : 3 Tugadi |  Toronto FC Jozy Altidore - 90' |
Stadion: CenturyLink Field
Xondamir Hakimov
Bosh sahifaga
151