SHunday ekan mazkur raqibga qarshi terma jamoa azolari va murabbiylar shtabi jiddiy hozirlik ko'rmoqda. Uchrashuv yuki og'ir va masuliyatli tuyulsada, futbolchilar quvnoq kayfiyatda mashqlarni bajarishmoqda. Ko'tarinki ruhda o'tishi ko'zda tutilgan navbatdagi mashg'ulotlar boshlanishidan oldin tezkor vinger Doston Hamdamovning o'yindan oldingi fikrlari bilan qiziqdik.
- Saudiya Arabistoni bilan o'yindan oldingi futbolchilarning hissiyotlari, kayfiyati alo darajadami?
- Qirg'iziston bilan o'tkazilgan o'yinni esdan chiqarib, bor diqqatimizni va etiborimizni oldindagi o'yinga qaratdik. Tayyorgarlik risoladagidek olib borilmoqda. O'sha kuni stadionga ko'plab muxlislar tashrif buyurishini kutyapmiz. Ular bizni qo'llab-quvvatlaganidek, biz ham g'alaba sovg'a qilmoqchimiz.
- Jamoani bo'lajak o'yinda avvalgilariga nisbatan boshqacha uslubda ko'rishimiz mumkinmi?
- Ochig'i bilmadim, murabbiyning mashg'ulotlarda olib borgan va bergan ko'rsatmalari asosida harakat qilamiz. Maqsad bitta, u ham bo'lsa g'alaba. Hammamiz borimizni shu o'yinga beramiz. Kim asosiy tarkibda maydonga tushishidan qatiy nazar terma jamoaga yordam berishi lozim.
- Odatdagidek jamoamiz raqibning kuchli yoki kuchsiz tomonlarini o'rgangani aniq. SHunday ekan saudiyaliklarning o'yinidagi etiboringizni tortgan jihat bo'ldimi?
- Ularda jamoaviy o'yin yaxshi yo'lga qo'yilgan. Kuchli texnika va individual harakterga ega bo'lgan o'yinchilari maydonda yaqqol ajralib turadi. Umuman qiyin bahs kutmoqda.
- Muxlislarda bo'layotgani kabi futbolchilarda hayajon bormi?
- Hammasi zo'r. Bundan ham yaxshi bo'lishiga harakat qilamiz.
Abdulaziz Iskandarov suhbatlashdi.
Bosh sahifaga
221