Futzal bo'yicha Osiyo chempionati ramziy terma jamoasi

Unda Eron oltin, O'zbekiston kumush, Tailand esa bronza medallarini qo'lga kiritdi.

Quyida ana shu Osiyo chempionatining ramziy terma jamoasini etiboringizga havola etamiz.

OCH-2016 ramziy terma jamoasi: Rustam Umarov (O'zbekiston), Asqar Hassanzoda (Eron), Hussayn Tayebi (Eron), Subxavut Tuenklang (Tailand), Grigori Jiovenali (Avstraliya)

Zahira: Tran Van Huy (Vetnam), Muhammad Keshavarz (Eron), Dilshod Rahmatov (O'zbekiston), Nguen Bao Kuan (Vetnam), Morioka Kaoru (Yaponiya), Muhammad Tohiri (Eron)

Rustam Umarov O'zbekiston terma jamoasidagi eng yaxshi futzalchi bo'ldi. U barcha o'yinlarda jamoamiz darvozasini qator gollardan saqlab qoldi. Finalgacha etib kelishimizda Rustamning hissasi ulkan bo'ldi, ramziyning darvozasini hech ikkilanishsiz Rustam Umarovga ishonib topshirdik.

Asqar Hassanzoda musobaqaning eng yaxshi o'yinchisi deb topildi, shuning o'ziyoq uni qanday o'yin ko'rsatganidan darak berib turibdi.

Forslarda afsonaviy Voxid SHamsaidan keyin uning o'rnini bosishi mumkin bo'lgan to'purar bu - Hussayn Tayebi. Qita birinchiligi davomida uning texnik imkoniyatlari juda yuqori ekanligiga guvoh bo'ldik.

Golga chanqoq bo'lgan Subxavut Tuenklang 14 gol bilan to'purar bo'ldi. U Tailand terma jamoasining haqiqiy etakchisi ekanligini yana bir bor isbotladi.

Avstraliya tarkibida eng ajralib turgan futzalchi bu jamoa sardori bo'ldi. Jiovenali kuchli zarbalari bilan yodda qoldi.

Bundan tashqari, ramziy terma jamoaning zahira tarkibini ham tuzishga qaror qildik. Zahiradagilar ham Osiyo chempionati davomida juda yaxshi taassurot qoldirishdi.