Maguayr "SHeffild Yunayted" akademiyasida o'sgan va ushbu klub sharofati bilan futboldagi eng muhim tajribalarni orttirgan.
Jamoa tarkibidagi doimiy o'yin amaliyoti uni "qizil iblislar"ning sardori va Angliya termasidagi asosiy himoyachilardan biriga aylantirishda muhim hissa qo'shdi.
"Omadim kelgan. Ushbu jamoa tarkibida o'ynab, katta tajriba to'plaganman. "SHeffild" tarkibida 3-4 yilda har mavsumda 50tadan uchrashuvda qatnashganman.
Bu menga juda, juda yoqardi. Futbolda katta amaliyotga ega bo'lish uchun doimiy o'ynashni istardim. Murabbiylar shtabi esa menga bu imkoniyatni taqdim qilishdi. Hattoki yosh bo'lsam ham ular menga doimiy ishonch bildirishardi.
"SHeffild Yunayted" muxlislari meni birinchi kundanoq qo'llab-quvvatlashgan va shu boisdan ulardan mamnunman.
"Bremoll Leyn"ga qaytganimda jamoa muxlislari meni iliq qarshi olishadi degan umiddaman. Ushbu mavsumda "Lester" muxlislari meni "Old Trafford"da yuqori darajada kutib olishgandi!
"SHeffild" mavsumni yaxshi boshladi. Biroq har qanday raqibga qarshi o'ynasam ham, o'z ishimni bajarishim kerak. Mavsumning qolgan qismini yaxshi o'tkazishga harakat qilamiz", - dedi Maguayr.
Bosh sahifaga
146