Toshkentning "Lokomotiv" klubi safarda "Andijon" ustidan 4:0 hisobida g'alaba qozondi va chempionat tugashiga 2 tur qolganida ikinchi o'rinni va OCHL-2020 pley-off yo'llanmasini naqd qildi.
Sababi uchinchi o'rindagi "So'g'diyona" Termizda "Surxon"ga yutqazib qo'ydi (0:1), to'rtinchi o'rindagi "Bunyodkor" esa o'z maydonida "Navbahor"ni mag'lub etib, ochkolarini 39taga etkazib oldi.
Oxirgi ikki turda "Bunyodkor" "Lokomotiv"ga ochkolar bo'yicha etib olishi mumkin. Ammo shunday bo'lgan taqdirda ham Samvel Babayan shogirdlari o'zaro o'yinlardagi natijalar tufayli ikkinchi o'rinni egallashadi.
Bu yil ushbu jamoalar o'rtasidagi "Lokomotiv" maydonida o'tgan bahsda 0:0, "Bunyodkor" maydonida o'tgan uchrashuvda 1:1 hisobi qayd etilgan. "Temiryo'lchilar" safarda urilgan gol evaziga o'zaro o'yinlarda ustunlikka erishishdi.
Malumot uchun, "Lokomotiv" 2013, 2014 va 2015 yillarda ham O'zbekiston chempionatida kumush medallarga ega chiqqan.
Bosh sahifaga
234