YANGILASH
22:45. Rahim Sterling ("Manchester Siti") — 12-o'rin, Frenki de Yong ("Barselona") — 11-o'rin va ... So'nggi 10 nomzod qolmoqda.... LIVE
22:42. Eden Azar ("Real") — 13-o'rin...
22:40. De Bryuyne ("Manchester Siti") — 14-o'rin...
22:37. De Ligt ("Yuventus") — 15-o'rin...
22:35. Aguero ("Manchester Siti") — 16-o'rin...
22:30. "Oltin to'p"ni kim olishi kerak? Mirjalol Normatov tarjima qilgan maqolani o'qib chiqing va taniqli futbolchilarning fikrini bilib oling.
22:10. Bu yilgi "tilla koptok" uchun asosiy 3 davogar: Krishtianu Ronaldu, Lionel Messi va Virjil van Deyk. Ularning fikrlari bilan ham qiziqamiz.
Ronaldu: "Men 3ta sovrinni qo'lga kiritdim, shu o'rinda har doimgidek xotirjamman, - deydi Ronaldu. Men yomon o'ynagan mavsum bo'lmagan, bunisi ham istisno emas. Oxirgi 16 yil hammasi haqida guvohlik beradi, yana nima qila olishim mumkin? "Oltin to'p"ga munosibmanmi? Bilmadim, buni baholaydiganlar bor. Men o'zimga baho bera olmayman. Har doim aytganimdek, men futbol olamida shaxsiy sovrinlarni o'ylab yashayotganim yo'q. Ular – jamoaviy g'alaba natijasi. Lekin, bu yaxshi, aldamayapman. O'zimni yaxshi his qilmoqdaman. Terma jamoamda o'zimni ko'rsata olayotganimdan faxrlanaman. Men faqat urayotgan gollarimdan emas, balki oxirgi yillarda milliy jamoamdagi darajadan ham xursandman".
Messi: "Bu chiroyli etirof. SHubhasiz, ilk "Oltin to'p" eng o'zgachasi bo'lgan. Hammasi sheriklarimning xizmatlari tufayli bo'lgan. Agar biz birga harakat qilmaganimizda, men shaxsiy sovrinlarni yuta olmas edim. 2010 yilda bu sovrin uchun davogarlar sifatida men, Inesta va Xavi suratga tushgan edik. Bu do'stligimiz uchun ajoyib lahzalar edi".
Van Deyk: "Odamlar meni "Oltin to'p"ni qo'lga kiritishi mumkin bo'lgan futbolchilar qatorida tilga olishmoqda. Bu men uchun sharaf. G'oliblarni aniqlovchi insonlarning fikri muhim. O'ylashimcha, yomon mavsum o'tkazmadim. Himoyachilar kamdan kam holatda "Oltin to'p"ni qo'lga kiritishadi? Tushunaman, bu kabi sovrinlar odatda hujumchi yoki hujumkor yarim himoyachilarga nasib etadi. CHunki ularning harakatlarini kuzatish qiziqarli. Ammo bu narsani o'zgartirishni vaqti keldi.
22:05. DIQQAT! Aleksandr-Arnold ("Liverpul") — 19-o'rin, Grizmann ("Barselona) — 18-o'rin, Firmino ("Liverpul") — 17-o'rin ...
O'zimni yaxshi his qilmoqdaman. Terma jamoamda o'zimni ko'rsata olayotganimdan faxrlanaman. Men faqat urayotgan gollarimdan emas, balki oxirgi yillarda milliy jamoamdagi darajadan ham xursandman".
22:00. FOTO “Oltin to'p-2019” taqdimot marosimi boshlanishiga oz muddat qoldi, asosiy davogarlar qaerda?
21:50. Ronaldu va Messi davridan oldin kimlar ushbu mukofotni qo'lga kiritgan va bu sovrin qanday buyuk futbol ustalari, sexrgarlariga nasib etgani bilan qiziqsangiz marhamat, tanishib chiqing! >> "Oltin to'p"ning barcha g'oliblari.
21:45. DIQQAT! Kulibali ("Napoli"), Ter Stegen ("Barselona") — 24-o'rin, Loris ("Tottenhem") — 23-o'rin, Son Hyon Min ("Tottenhem") — 22-o'rin, Tadich ("Ayaks"), Obameyang ("Arsenal") — 20-o'rin...
21:40. Umuman "Oltin to'p"ni o'ylab topgan insonni bilasizmi, u haqda eshitgan yoki o'qiganmisiz?
1956 yilda Gabriel France Football bosh muharriri bo'lib ishlayotgandi va mashhur hamkasblaridan Evropaning eng yaxshi besh nafar futbolchisini aytishlarini so'ragan...
Mazkur voqea bo'yicha "Championat.asia" sayti "yuragi" Narzulla Saydullaev tomonidan tayyorlangan chiroyli maqolani taqdim etamiz>> O'QISH
21:30. DIQQAT! Bu yilgi "Oltin to'p" uchun kurashda futbolchilarning o'rni elon qilinmoqda: Joau Feliks ("Atletiko"), Donni Van de Bek ("Ayaks"), Markinos (PSJ) — 28-o'rin, Benzema ("Real"), Veynaldum ("Liverpul") — 26-o'rin...
21:20. Lev Yashin sovrini uchun 10 nafar nomzod bilan tanishing: Alisson ("Liverpul"), Ederson ("Manchester Siti"), Handanovich ("Inter"), Kepa ("CHelsi"), Loris ("Tottenhem"), Noyer ("Bavariya"), Oblak ("Atletiko"), Onana ("Ayaks"), SHensni ("Yuventus"), Ter Stegen ("Barselona").
21:15. Eslatib o'tamiz, o'tgan yilgi "Oltin to'p" sohibi — "Real" yarim himoyachisi va Xorvatiya terma jamoasi sardori Luka Modrich.
O'shanda futbolchilar quyidagicha o'rinlarni egallashgandi:
1. Luka Modrich (Xorvatiya, "Real")
2. Krishtianu Ronaldu (Portugaliya, "Yuventus")
3. Antuan Grizmann (Franciya, "Atletiko")
4. Kilian Mbappe (Franciya, PSJ)
5. Lionel Messi (Argentina, "Barselona")
6. Muhammad Salah (Misr, "Liverpul")
7. Rafael Varan (Franciya, "Real")
8. Eden Azar (Belgiya, "CHelsi")
9. Kevin de Bryuyne (Belgiya, "Manchester Siti")
10. Harri Keyn (Angliya, "Tottenhem")
21:10. "CHelsi" sobiq hujumchisi Dide Drogba esa "Oltin to'p" mukaofotining rasmiy elchisi sifatida tayinlanganidan xabaringiz bo'lsa kerak.
21:05. Eslatib o'tamiz, bugungi oqshomda 4 nominaciya bo'yicha yilning eng yaxshilari aniqlanadi.
Demak, bular:
— "Yilning eng yaxshi futbolchisi"
— "Yilning eng yaxshi ayol futbolchisi"
— "21 yoshgacha bo'lgan futbolchiga topshiriladigan maxsus sovrin, Kopa Trophy"
— "Yilning eng yaxshi darvozaboni, Lev Yashin sovrini" (Lev Yashin sovrini ilk marotaba topshiriladi).
21:00. Marosim Parijdagi SHatle teatrida Toshkent vaqti bilan 23:30da boshlanadi.
Bosh sahifaga
204