O'zbekiston Liga kubogi finalida VAR bo'ladi, ammo...

“Paxtakor” va AGMK klublari o'rtasidagi uchrashuvda O'zbekiston futboli tarixida ilk bor VAR tizimi offlayn tartibda sinovdan o'tkaziladi.

SHu maqsadda Belgiyaning EVS kompaniyasi mutaxassislari yurtimizga tashrif buyurdi va VAR tizimini o'rnatishda yaqindan ko'mak bermoqda.

Qayd etish joiz, FIFA va IFAB tavsiyalariga muvofiq VAR tizimini yo'lga qo'yish va undan foydalanish uchun 9 oydan 12 oygacha vaqt talab etiladi. SHu boisdan bugungi uchrashuv paytida VAR tizimidan FIFA talabiga binoan offlayn tartibda foydalaniladi. Bunda referi o'yin davomida VAR hakamlari bilan to'g'ridan-to'g'ri aloqaga kirishmaydi.