70-daqiqada Endi Kerrollning bosh bilan bergan pasidan so'ng SHelvi darvozabon Din Xenderson bilan birga-bir chiqdi. Lekin "SHeffild" futbolchilari yarim himoyachi ortidan yugurishmadi - laynsmen bayroqchasini ko'tarib, pas bergan Kerrollda ofsayd borligini ko'rsatdi. Xatto Endining o'zi ham bunga ishondi.
Biroq uchrashuvda qarorni bosh hakam qabul qiladi va u "SHeffild" futbolchilariga xushtakkacha o'ynash kerakligini ko'rsatdi. Styuart Ettuell laynsmenga etibor qaratmadi va SHelvi hujumni yakunlashini kutdi: Jonjo raqib jarima maydonchasigacha borib, darvozani ishg'ol qildi.
Keyin VAR ishga tushdi: hakamning video yordamchilari Kerrollning ofsaydini tekshira boshlashdi. Lavhada qoida buzilmagan ekan: "SHeffild" futbolchisi orqaroqda turgani ko'rindi.
Gol hisobga olindi.
"Nyukasl" 2:0 hisobida g'alabaga erishdi va ochkolar borasida "SHeffild"ga etib oldi (ikkala klub ham jadval o'rtasida).
TAS-IX emas
"Mavsum boshida vaziyat yakunlanmaguncha yon hakam bayroqchasini ko'tarmaydi deyishgan edi. Ammo u bayroqchasini ko'tardi va referi xushtak chalmoqchi edi. Maydondagi hamma to'xtab qoldi, xatto SHelvi ham.
O'yin o'zgarib ketdi. Endi bu men 16 yoshimda o'ynashni boshlagan o'yin emas. Unda katta o'zgarish ro'y berdi. Buning hammasi nima bilan tugashini bilmayman, biroq bu narsalar men va muxlislarning "qonini ichmoqda" - deya etiroz bildirdi "SHefilld" ustozi Kris Uaylder.
Uaylderni tushunish mumkin - VAR ishga tushirilganidan so'ng yon hakamlar ishonchi 100% komil bo'lmasa, rostdan ham bayroqchasini ko'tarmasligi kerak edi. Bu xatto UEFA prezidenti Aleksandr CHeferinga ham yoqmaydi: "Angliyada hakamlar bazi vaziyatlarni VAR orqali tekshirishmaydi. Italiyada bunga yarim soat sarflashadi. Men hech qachon bu tizimning muxlisi bo'lmaganman. Endi qanot hakamlari bayroqchani ko'tarishmayapti, shunchaki kutishmoqda. Futbolchilar esa golni nishonlamay, kutishyapti".
Endi "SHeffild" futbolchilari yangi qoidalarni doimo yodda tutishadi.
Bosh sahifaga
309