Bu haqda saytimiz ijodkori — SHahboz Beg'amov xabar qildi.
"Bunyodkor" azosi sifatida o'tgan mavsumni Superligada o'tkazgan futbolchi "qaldirg'ochlar"ni tark etdi.
Faoliyatini "Nasaf"da boshlagan, keyinchalik Bahraynda "Al-Muharraq" klubi sharafini bir muddat himoya qilgan vinger so'ngra yana "Bunyodkor"ga qaytgandi. 2018 yilgi mavsumda esa Janubiy Koreyaning "Tedjon Sitizen" jamoasiga o'tgan futbolchi salkam 1,5 yil yana legioner maqomida to'p tepdi. Joriy yil yozda esa yana "Bunyodkor"ga qaytgan Gadoev mavsumning ikkinchi qismidan etiboran "qaldirg'ochlar"ga ko'maklashdi. Mavsum tugagach esa shartnomasi nihoyasiga etgan futbolchi Ozarboyjondan bo'lgan qiziqish tufayli sobiq "Inter Baku", yani hozirgi "Keshlya" nomi bilan ataladigan klub bilan shartnoma imzoladi.
Ozarboyjon chempionati turnir jadvalida uchinchi o'rinda ketayotgan mazkur jamoa joriy mavsum Evropa ligasi yo'llanmasi uchun jiddiy kurashmoqda. Ayni paytda chempionatda birinchi davra o'yinlari yakuniga etgan va transfer oynasi ochiq. Mazkur transfer bozoridan foydalangan klub o'zbekistonlik iqtidorli futbolchi SHohruh Gadoev shartnoma imzoladi.
"Keshlya" jamoasi Ozarboyjon premer ligasida 2008 hamda 2010 yillari chempionga aylangan. SHuningdek, klub 2018 yilgi mavsumda Ozarboyjon Kubogida g'olib chiqqan. Joriy mavsum "Keshlya" jamoasi sovrinli o'rinlar uchun jiddiy kurashmoqda.
Eslatib o'tamiz, kuni kecha Ozarboyjon chempionatida birinchi davra yakunlandi hamda jamoalar tatilga yo'l olishdi. Premer liga o'yinlari fevraldan etiboran yana davom ettiriladi.
Bosh sahifaga
216