Mamlakatimiz ilk bor mazkur yosh toifasidagi qita chempionatiga mezbonlik qiladi.
O'zbekiston futbol associaciyasi mazkur musobaqaga tayyorgarlik ishlarini boshlab yuborgan. U-19 Osiyo chempionatini yuqori saviyada tashkil etish bo'yicha etakchi mamlakatlar tajribasi o'rganilmoqda.
Jumladan, ayni kunlarda O'FA ishchi guruhi Qatarda bo'lib turibdi. Mutaxassislarimiz Qatarning yirik musobaqalarni o'tkazish borasidagi tajribasini o'rganishmoqda.
Hozirda Qatarda klublar o'rtasidagi Jahon chempionati bo'lib o'tmoqda. Mutaxassislarimiz klublar mundiali uchrashuvlari davomida tashkilotchilik masalalari, stadionni hozirlash, uchrashuv rasmiylari va muxlislarni kutib olish, muxlislar uchun yaratilgan fan-hududlar, musobaqani yoritib boradigan ommaviy axborot vositalari uchun qulayliklar yaratish, marketing va o'yinlar tashviqoti kabi ko'plab masalalar bo'yicha qatarlik va FIFA vakillari ish jarayonini o'rganishmoqda.
Bosh sahifaga
213