Unda o'ndan ortiq nominaciyalar bo'yicha yilning “Eng yaxshilari” aniqlanadi.
Bo'lajak taqdirlash marosimi oldidan “Paxtakor” jamoasining tajribali hujumchisi Marat Bikmaevning yil yakunlari bo'yicha fikrlarini bilishga qiziqdik. Malumot uchun Bikmaev 2017 yil O'zbekistonning tengsiz futbolchisi sifatida tan olingan.
- Albatta, bugun PFLning ortda qolayotgan yil yakunlari bo'yicha o'tkazayotgan bayram tadbiridan xabarim bor. Unda bir qator nominaciyalar bo'yicha g'oliblar aniqlanadi. Nomzodlar bo'yicha fikrlarimni bildiradigan bo'lsam, Yilning “Eng yaxshi futbolchisi” deya Jaloliddin Masharipovni alohida etirof etgan bo'lardim. Sababi “Paxtakor”ning haqiqiy etakchisiga aylangan Masharipov butun mavsumni yuqori notada o'tkazdi. SHubhasiz u “SHerlar”ning muhim bir qismiga aylandi. Jamoaning yutuqlariga katta hissa qo'shdi. Har bir uchrashuvda uning yordami sezilarli darajada bo'ldi deb bemalol ayta olaman.
- “Eng yaxshi murabbiyi” so'zsiz “Paxtakor” ustozi SHota Arveladze! “SHerlar” bilan bu yil ichki musobaqalarning barchasida g'olib chiqdi. Jamoa o'yinini o'zgartira oldi. Yangitdan tarkibni shakllantirdi. Jamoa o'yinida shubhasiz murabbiyning qo'li borligi ko'rinib turibdi. Undan tashqari men uchun O'zbekistondagi yana bir “Eng yaxshi murabbiy” – Ro'ziqul Berdievdir. “Nasaf” ustozi mana bir necha yillardan buyon akademiya tarbiyalanuvchilari evaziga kurashchan jamoa shakllantirib, etakchi klublarga qiyinchilik tug'dirib kelmoqda.
- “Eng yaxshi xorijlik futbolchi” deb “Paxtakor” legioneri Dragan CHeranni ko'rsatgan bo'lardim. Mazmunli o'yinlari va sermahsulligi bilan mahalliy futbolchilarga o'rnak bo'lmoqda.
- “Eng yaxshi hujumchi” deya – (Kulib) O'zimni aytsam bo'lardi-ku, lekin bu yil kamroq gol urdimda. Agar jiddiy aytadigan bo'lsak, menga bu yil “Nasaf” hujumchisi Humoyun Murtazoev bilan “So'g'diyona”dagi SHoxruz Norxonovning o'yini yoqdi.
- Bundan tashqari so'nggi yillarda o'sib kelayotgan yosh hujumchilardan “Nasaf”dagi Bobir Abdixoliqovni ham aytishim mumkin. Murtazoev – Abdixoliqov tandemi himoyachilarga yaxshigina tashvish tug'dirayotgani aniq.
- Yilning “Eng yaxshi yosh futbolchisi” deya “Bunyodkor”dagi Jasur Jaloliddinovni etirof etaman. Iqtidori yuqori ekanligiga shubhas yo'q. Italiya klublarida bejizga qiziqish uyg'otmagan. Endi uni o'zi amalda isbotlashi ham kerak. Jasurning kelgusi faoliyatiga omad tilayman!
Bosh sahifaga
146