Kecha "Qo'qon-1912" jamoasi azolari Qo'qon shahridagi 12 mehribonlik uyiga tashrif buyurishdi. Tashrifdan maqsad mehribonlik uyidagi bolajonlarni kirib kelayotgan yangi yil bayrami bilan tabriklash, ularning murg'ak ko'ngillariga biroz bo'lsada quvonch ulashish edi.
"Qo'qon-1912" jamoasining bosh murabbiyi Baxtiyor Ashurmatov bolajonlarni yangi yil bayrami bilan chin qalbdan tabriklab, ularga kelayotgan yilda sog'lik-salomatlik, omad , bolajonlarni orasidan kelgusida etuk insonlar etishib chiqishiga tilak bildirdilar. Jamoamiz ular bilan yil davomida hamkorlikni yo'lga qo'yishini taklif qildilar. SHuningdek jamoamiz sardori Murod Holmuhammedov ham bolajonlarni yangi yil bilan tabriklab, ularga televizor sovg'a qildi.
SHundan so'ng futbolchilarimiz jajji muxlislariga o'zlarinig to'p bilan ishlash mahoratlarini namoyish qilib berishdi.
Bolajonlarga eng yaxshi sovg'a o'zlari sevgan futbolchilarining qo'lidan futbol to'plarini qabul qilib olish bo'ldi. Mehribonlik uyi tarbiyalanuvchilariga Qo'qondagi "Markaziy" stadionida alohida sektor ajratib beriladigan bo'ldi. Futbolchilarimiz bilan uchrashuvdan mehribonlik uyi tarbiyalanuvchilari bir olam zavq olishdi.
Bosh sahifaga
235