Ertalabki mashg'ulot to'liq maydonda kechgan bo'lsa, kechki payt futbolchilar dastlab trenajyor zalida shug'ullanishdi, so'ngra yana maydonga chiqildi. Bugun jamoa tarkibiga yana bir yangi futbolchi kelib qo'shildi. Rossiyalik taniqli hujumchi Pavel Pogrebnyakning kenja ukasi Kirill Pogrebnyak "temiryo'lchilar" bilan shartnoma imzolab, jamoamiz mashg'ulotida ishtirok etdi.
Malumot uchun, Kirill Pogrebnyak ham akasi Pavel kabi hujum chizig'ida to'p tepadi. "Loko" mashg'ulotlarida asosiy etibor hozircha jismoniy yuklamalar, shuningdek to'p bilan ishlashga qaratilmoqda. Malumki, qishki yig'inda futbolchilarning jismoniy holatini bir maromga keltirish muhim hisoblanadi.
Mashg'ulotlarda barcha ter to'kib mehnat qilmoqda. O'z navbatida murabbiylar ham jamoani yangi mavsumga jiddiy tayyorlash uchun mashg'ulotning turli usullarini futbolchilarga o'rgatishyapti.
Eslatib o'tamiz, yangi mavsum "Loko" uchun 21 yanvardan boshlanadi. SHu kuni "temiryo'lchilar" o'z uylarida Osiyo chempionlar ligasi pley-off bosqichi doirasida Tojikistonning "Istiqlol" klubini qabul qilishadi.
Bosh sahifaga
176