Jamoa azolari ikki mahal mashg'ulot o'tkazishdi va har ikki mashg'ulot futbol maydonida kechdi. Darvozabonlarni odatdagidek Petr Gizimchuk shug'ullantirgan bo'lsa, maydondagi o'yinchilar bilan Andrey Fyodorov (bosh murabbiy), Andrey Miklyaev (katta murabbiy) va Aleksandr SHatskix (jismoniy tayyorgarlik bo'yicha murabbiy) mashg'ulot olib borishdi.
Va albatta murabbiylar shtabiga jamoa shifokori Abror Pirriev, massajchilar Gurgen Israelyan, Abdurahim Sarimsoqov, jamoa mamurlari Baxtiyor Ismoilov bilan Ulug'bek Usmonxo'jaev, klub matbuot kotibi Xayrulla Xoliqov, shuningdek video tasvirchi Ravshan Akbarov yaqindan yordam berib kelishyapti.
Oldinda jamoani 11 yanvar kuni dastlabki o'rtoqlik uchrashuvi kutyapti. SHu kuni "Loko" SHotlandiyaning eng nomdor klublaridan biri "Glazgo Reynjers"ga qarshi nazorat bahsini o'tkazadi. Mashg'ulotlar faqat shu o'yinga qaratilgan deb bo'lmaydi, balki jamoa butun bir yangi mavsumga tayyorgarlik ko'rmoqda. Dastlabki vazifa esa 21 yanvar kuni Toshkentda bo'lib o'tadigan OCHL pley-off bosqichida Tojikistonning "Istiqlol" klubini mag'lub etish hisoblanadi.
Bosh sahifaga
180