Xabaringiz bor, bugun "temiryo'lchilar" Dubaydagi "The Sevens" stadionida SHotlandiya klubi "Glazgo Reynjers"ga qarshi o'rtoqlik uchrashuvi o'tkazishadi. O'yin mahalliy vaqt bilan 15:00 (Toshkent vaqti bilan 16:00)da boshlanadi.
- Kaxi, Abu Dabida yig'in o'tkazayotgan "Lokomotiv" birinchi o'rtoqlik uchrashuvini "Glazgo Reynjers"ga qarshi o'tkazadi. Bu bahs haqida nima deya olasiz?
- To'g'risi, o'zim ham mazkur bellashuvni intiqlik bilan kutyapman. Har holda "Glazgo Reyjens" SHotlandiyaning eng nomdor klublaridan biri, qolaversa Evropada ham o'z o'rniga ega. Bu jamoaga qarshi o'ynab o'z kuchimizni tekshirib olamiz, shuningdek ularning darajasiga baho beramiz. Men anchadan beri "Reynjers"ni kuzatib kelaman. Jamoa bosh murabbiyi Stiven Jerrard ham barchaga yaxshi malum.
- Bu o'yinda natija qanchalik muhim?
- Natija baribir kerak. Men xoh o'rtoqlik, xoh rasmiy bahs bo'lsin doim g'alaba qozonishni xohlayman. Lekin bizning birinchi maqsadimiz 21 yanvar kuni Toshkentda bo'ladigan Tojikistonning "Istiqlol" klubi bilan o'yinga qaratilgan. "Glazgo Reynjers"ga qarshi bahs esa rasmiy o'yinga tayyorgarlik vazifasini o'taydi. O'rtoqlik uchrashuvi bo'lsa-da, maydonga g'alaba uchun chiqamiz, chunki yutuqqa erishadigan bo'lsak, baribir odamlar "Lokomotiv" "Glazgo Reynjers"ni mag'lub etgandi deb eslashadi.
Bosh sahifaga
277