“Kecha biz yarim soat to'pni yon chiziqdan o'yinga kiritganda himoyalanish borasida mashg'ulotlar o'tkazdik, ammo o'yinda aynan “aut”dan to'p tashlab berilgach kiritilgan gol bois mag'lub bo'ldik.
O'ylashimcha, hakamlar yaxshi ishlashdi, ammo yordamchi hakamlardan biri darvozamizga kiritilgan gol boshlanayotgan hujm vaqtida Mane to'pni qo'li bilan o'ynaganini etibordan chetda qoldirdi.
Biz bu kabi kuchli jamoalarga qarshi kurashganda eyforiya bilan harakat qilishimiz kerak. O'ylashimcha, biz yaxshiroq natijaga loyiq edik. Ikkinchi bo'limda raqibga bosimni oshirdik, birinchisiga qaraganda agressivroq harakat qildik.
“Liverpul” “Manchester Siti”ni mag'lub etganida, ular APLda chempion bo'lishini bir necha oy ilgari aytib o'tgandim.
Kechagi bahsda omad ochiqchasiga raqib tomonida bo'ldi: ular to'p o'tkazib yuborishlari lozim bo'lgan vaziyatlarda ham darvozalari daxlsizligi saqlanib qoldi, Robertson esa ikkinchi sariq kartochkani olishi ham mumkin edi”, dedi Mourinyu.
Eslatib o'tamiz, “Tottenhem” – “Liverpul” uchrashuvini Martin Atkinson boshchiligidagi hakamlar brigadasi boshqarib bordi.
Bosh sahifaga
229