Kecha 15 yanvar kuni Berdiev yigitlari Buxoroda "Buxoro"futbol klubi bilan o'rtoqlik uyinida maydonga tushdi. SHu kuni darvozalarga jami 5ta to'p kiritildi. 19-daqiqada "ajdarlar" hujumchisi Husayin Norchaev bahsdagi pochin golga mualliflik qilib bergan bo'lsa, “Buxoro”ga “So'g'diyona”dan kelib qo'shilgan hujumchi Izzat Abdullaev 29 va 54-daqiqalarda urgan gollari evaziga mezbonlarni hisobda oldinga olib chiqdi – 2:1.
79-daqiqada himoyachi G'olib G'aybullaevning golidan so'ng hisob 2:2 ko'rinishini oldi. Muhriddin Zoirov 90-daqiqada "Nasaf"ga g'alaba keltirgan golga mualliflik qildi. SHuningdek shu kuni qarshiliklar safida ivuarlik yarim himoyachi Traore ham harakat qildi. Baquvvat va bo'ydor legioner futbolchiga hozircha Ro'ziqul Berdiev har o'yinda imkoniyat berib kelmoqda. Traore "Nasaf"da qoladimi? Bosh murabbiy Ro'ziqul Berdiev Qashqadaryo viloyatidagi muhbirimiz Nomoz CHoriev bilan bo'lgan suhbatda 19 yoshli yarim himoyachi hozircha ko'rikda ekanligini uni kuzatib borayotganligini, agarda o'zini har tomonlama yaxshi namoyish eta olsa jamoada albatta olib qolishini yashirib o'tirmadi. Qolaversa ishonchli manbaaning malum qilishicha Ro'ziqul Sadullaevichga legioner futbolchining harakatlari maqul kelmoqda. Demak katta ehtimol bilan “Nasaf” bosh murabbiyining yangi mavsumdagi ajoyib topilmalaridan biri Traore bo'lishi mumkin.
Bosh sahifaga
139