- Bizni qiyin o'yin kutib turibdi. Tan olish kerak, jamoam ertangi uchrashuvga tayyor emas. CHunki Iroqda chempionat uch oy oldin to'xtatilgan. Bu orada biz o'rtoqlik o'yinlarida ham maydonga tushganimiz yo'q, - deydi Bosim Qosim.
- Bosh murabbiyning fikrlariga qo'shilaman. Haqiqatdan biz o'yinga tayyor emasmiz. Lekin g'alaba uchun qo'ldan kelgancha harakat qilamiz, - Muhannad Abdulrahim.
- O'zbekistonda ham yangi mavsum start olgani yo'q. Qaysidir manoda har ikkala jamoa ham bir holatda. SHu vaziyatga nima deysiz?
- Vaziyat har xil, "Bunyodkor" BAAda yig'in o'tkazdi. Bizning jamoa esa na Iroqda, na O'zbekistonda o'rtoqlik uchrashuvi o'tkazmadi. Bundan tashqari jamoamiz O'zbekistonga ikkiga bo'lingan holda etib keldi. Uch nafar eng asosiy futbolchilari klubni tark etdi. Ulardan ikki nafari hujumchi edi. Ammo shunga qaramay "Al Zavra" Iroqning eng mashhur klubi, shu bois ertaga g'alaba qozonib, iroqlik muxlislarni xursand qilishga harakat qilamiz.
- Raqibni o'rganish jarayoni qanday kechdi?
- 15 yil oldin O'zbekistonga kelganman, o'tgan yil ham "Eyr Fors" ustozi sifatida O'zbekistonga kelgandim. "Bunyodkor" hozir yaxshiroq imkoniyatga ega. O'zbek futbolchilari va o'zbek klublari haqida etarli malumotga egaman.
- Toshkentda o'rtoqlik uchrashuvi o'tkazishingiz kerak edi.
- Kuni kecha biz "Oq-tepa" bilan o'rtoqlik uchrashuvi o'tkazishimiz kerak edi. Biroq maydon holati juda ham yomon edi. SHu bois "Oq-tepa" bilan o'yinni bekor qildik. Futbolchilarim jarohat olishlari mumkin edi.
- “Bunyodkor”ning besh futbolchisi jamoada emas, tarkibda yangilar ko'p. Bu holat sizlarga ustunlik bermaydimi?
- "Bunyodkor"ning 5 nafar futbolchisi ayni paytda O'zbekiston olimpiya terma jamoasi bilan birga ekanligini bilamiz. Yangi futbolchilar kelganligini ham bilaman. Ikkala jamoaga omad tilayman, ertaga stadionga keladigan muxlislarga ham omad tilayman. To'qnashuv bitta o'yindan iborat. Yosh va tajribali futbolchilar yordamida g'alaba qozonishga harakat qilamiz.
Iroq futbol Federaciyasi va iroqlik futbolchilar nomidan OFKga rahmat aytaman. Ular har qanday qiyin holatda Iroqni qo'llab-quvvatlashadi", - deydi Bosim Qosim.
Bosh sahifaga
165