Mashg'ulotlar kuniga ikki mahaldan olib borilmoqda. Bu haqda xabar bergan edik.
Qita birinchiligiga tayyorgarlikning so'nggi bosqichini olib borayotgan O'zbekiston MTJ Ummon terma jamoasi bilan ikkita o'rtoqlik uchrashuvi o'tkazish borasida kelishuvga erishgani haqida ham biroz avval xabar bergandik.
Futzal. O'zbekiston MTJ Ummon bilan o'rtoqlik o'yinlari o'tkazadi
Afsuski, terma jamoaning mashg'ulotlarida bir yo'la 4 nafar futzalchi ishtirok eta olmayapti. Dilshod Rahmatov, Farhod Abdumavlonov va Ilhom Hamroevlar shamollab qolgan bo'lsa, Klim Tyugaev tizzasidan kichik jarohat olgan. Bundan tashqari, jarohat olgan yana bir o'yinchi SHahzod Sadievning o'rniga yig'inga "Dinamo"ning boshqa bir azosi Laziz Ubaydullaev jalb qilingan.
Dilshod Rahmatov shamollash sabab mashg'ulotlarni vaqtincha o'tkazib yubormoqda.
Klim Tyugaev esa tizzasidan engil jarohat olgan.
Terma jamoa lageridan yaxshi yangiligimiz ham bor. Etakchilarimizdan biri Davron CHoriev bugun oyog'idagi gipsni oldirdi. Hozircha hammasi joyida va murabbiylar dushanbadan uni mashg'ulotlarda kutishayotganini takidlashdi.
Davron CHoriev bugun oyog'idagi gipsni echtirdi. Hammasi joyida bo'lsa dushanbadan engil mashqlarni boshlaydi.
Bugun jami 16 nafar futzalchi mashg'ulotlarda ishtirok etdi. Yana 5 nafar o'yinchi dushanbadan yana mashg'ulotlarga qaytishi kutilmoqda. Ayni paytda murabbiylar o'yinchilarning jismoniy holatini yaxshilash ustida ishlashmoqda va yuklamalar berilmoqda. Mashg'ulotlar quvnoq, shu bilan birga yigitlar uchun charchoq bilan o'tmoqda)
Rustam Umarovga qarab yuklamalar qay darajada bo'layotganini taxmin qilishingiz mumkin)
Yig'inda ishtirok etayotgan futzalchilar ro'yxati:
Darvozabonlar: Rustam Umarov (AGMK), Ravshan Eliboev ("Paxtakor"), Abbos Elmurodov ("Lokomotiv"), Klim Tyugaev ("Lokomotiv").
O'yinchilar: Anasxon Rahmatov (AGMK), Mashrab Odilov (AGMK), Ixtiyor Ropiev (AGMK), Ilhom Hamroev (AGMK), Dilshod Rahmatov (AGMK), Husniddin Nishonov (AGMK), Akbar Usmonov (AGMK), Xushnur Erkinov ("So'g'diyona"), Sunatulla Jo'raev ("Nasaf"), Abdulla Solihov ("Lokomotiv"), Ravshan Ismatullaev ("Dinamo"), Javlon Anorov ("Maksam-CHirchiq"), Konstantin Sviridov ("Maksam-CHirchiq"), Dilmurod SHavkatov ("Paxtakor"), Farhod Abdumavlonov ("Paxtakor"), Laziz Ubaydullaev ("Dinamo").
Futzal bo'yicha O'zbekiston milliy terma jamoasining bugungi mashg'ulotidan ajoyib kadrlarni saytimizning maxsus bo'limi orqali tomosha qilishingiz mumkin. >>>>> FOTOGALEREYA
Foto: Tolibjon Qosimov
Eslatib o'tamiz, Osiyo chempionatida 16 terma jamoa 4 guruhga bo'lingan holda g'oliblik uchun kurash olib boradi. Bahodir Ahmedov boshchiligidagi O'zbekiston MTJ "C" guruhida Bahrayn, Xitoy hamda Indoneziyaga qarshi bahs olib boradi. Ummon esa "A" guruhida Turkmaniston, Vetnam hamda Tojikiston termalari bilan bellashadi.
Qitaning eng kuchli 5 jamoasi Litvada bo'lib o'tadigan to'qqizinchi mundialga yo'llanmani qo'lga kiritadi.
Futzal bo'yicha O'zbekiston milliy terma jamoasining bugungi mashg'ulotidan ajoyib kadrlarni saytimizning maxsus bo'limi orqali tomosha qilishingiz mumkin. >>>>> FOTOGALEREYA
Bosh sahifaga
251