"Qo'qon-1912" - "Obod". O'rinbosarlar o'yinidan so'ng murabbiylar fikrlari
/ Kiritdi: BestMaster O'qilgan: 976
Yoshlar ligasi 1-tur “Qo'qon-1912” – “Obod” uchrashuvidan keyin har iki jamoa murabbiylari o'yin haqidagi fikrlarini bildirib o'tishdi.
Xayrulla Abdiev: (“Obod” jamoasi o'rinbosarlari murabbiyi): – O'yinni shogirdlarim yaxshi boshlashdi. Lekin baribir jamoamizning yangi ekanligi pand berdi. Futbolchilarning bir-birini tushunib olishiga biroz vaqt kerak. Keyingi o'yinga tayyorgarlikni boshlaymiz.
Muhiddin Abduvaliev: (“Qo'qon-1912” o'rinbosarlari murabbiyi): – Birinchi o'yinmiz debyutant jamoaga qarshi bo'lib o'tdi. Raqibimiz bugungi bahsga puxta tayyorgarlik ko'rgani ko'rinib turibdi. Bugun g'alaba qozonishimiz qiyin bo'ldi. Bugungi o'yinda borlarini berib o'ynaganlari uchun shogirdlarimga rahmat aytaman. Keyingi bahslarda ham g'alaba qozonib muxlislarni xursand etishga harakat qilamiz.
- Bugungi uchrashuvning eng yaxshi o'yinchisi sifatida kimni ko'rsata olasiz?
- Bolalarning hammasi ham yaxshi to'p surishdi. Birinchi bo'limda ayniqsa, Azizxon Ibragimov yaxshi o'ynadi. Qolaversa, yosh hujumchimiz Dostonbek Meliqo'zievning bugungi harakatlari maqul bo'ldi.
Bosh sahifaga
327