Zafar To'raev: "Birinchi o'yin bizga juda muhim"

Ushbu o'yin oldidan "Mashal" klubi etakchisi Zafar To'raev o'yin haqida fikrlarini bildirib o'tdi.

"Bugun bizni jiddiy raqib kutmoqda. Birinchi o'yin ahamiyati juda ham yuqori. Bu mavsumni boshlanishiga katta tasir o'tkazadi. Kayfiyat ham shunga munosib davom etadi. Navoiyga biz faqat g'alaba uchun kelganmiz. Kerakli natijani qo'lga kiritish uchun barchamiz birga harakat qilamiz" - deydi Zafar To'raev.

- Raqib bilan o'yin statistikasi haqida xabarga egamisiz?
- Bu men uchun unchalik ahamiyatga ega emas. Natijalar unutildi oldinda bizni o'yin kutayapti. Xabarim bor jamoamiz uzoq yildan buyon Navoiyda mag'lub bo'lmagan. Biz ham shu ananani davom etishini istaymiz. Buning uchun barchamiz bir inson bo'lib kurashishimiz lozim.

- Jamoamiz o'zagi saqlab qolindi. Raqib esa bir necha mahoratli futbolchilar bilan safini to'ldirdi. Bu borada fikrlaringiz qanday?
- Hozirgi kunda eng muhim jihatlardan biri tarkibni saqlab qolish hisoblanadi. O'zgargan tarkib yaxshi natija ko'rsatishi uchun vaqt kerak bo'ladi. SHundan foydalanishimiz kerak. To'g'ri, "Qizilqum"ga Ilhom Yunusov kabi juda ham mahoratli futbolchi kelib qo'shilgan lekin bizning safimizga ham G'ulom Haydar G'ulomov, Avaz Agaliev, SHahboz Erkinov kabi futbolchilar ham kelib qo'shilgan.

- Bugungi o'yin ahamiyati jihatidan "Qizilqum" uchun ikki barobar bo'ladi. Boisi ular ochilish uchrashuvida muxlislari qarshisida o'ynaydi. Bu yigitlarimizga ortiqcha bosim yuklamaydimi?
- Bunday deb o'ylamagan bo'lar edim. Negaki bizda bosim nisbatan kamroq bo'ladi. Bugungi o'yinda bitta xato qilgan jamoa mag'lub bo'ladi.

"Mashal" matbuot xizmati