Davron Fayziev: "O'yin so'nggidagi xato tufayli gol o'tkazib yubordik"

"Avvalambor barchani futbol bayrami boshlangani bilan tabriklayman. O'yin asabiy tarzda o'tdi. Qiziqarli o'yin guvohiga aylandik. Omad kuchlilarga kulib boqadi degan gap bor. Bugun aynan raqibning omadi keldi deb o'ylayman.

O'yinga yaxshi tayyorgarlik ko'rgandik. Bekobodliklarni yaxshi shakllangan jamoa ekanligini barcha biladi. 10 kishi bo'lib qolganimizga qaramasdan, ochiq futbol namoyish etdik. Hisobni tenglashtirishga ham muvaffaq bo'ldik. Lekin, o'yin so'nggidagi xato tufayli gol o'tkazib yubordik. Raqibni birinchi g'alabasi bilan tabriklayman.

Futbol shunisi bilan qiziq. SHuni ham takidlab o'tishni istardimki, hakamlar biroz etiborliroq bo'lishganida bir kishi kam bo'lib qolmasdik. U vaziyatda qo'pol o'yin sodir etilmagandi. Bu bahona emas. Bo'lar ish bo'ldi. Oldimizda qiyin o'yinlar kutib turibdi. Tayyorlanishda davom etamiz, o'z maydonimizdagi keyingi o'yinda g'alaba qozonishga harakat qilamiz.

O'tgan yilgi bilan solishtirganda klub rahbariyati, viloyat hokimligi jamoa uchun sharoitlarni yaratib bermoqda.

Yangi futbolchilar? Qishgi yig'inlarda o'zlarini yaxshi ko'rsatishdi. Faqat, jamoaga tezroq moslashib ketishsa yaxshi bo'lardi. Albatta, o'rtoqlik o'yini hamda rasmiy o'yinni farqi bor. O'ylaymanki, yigitlar hali o'z o'yinlarini ko'rsata oladilar. Jiyamurodov esa universal futbolchi hisoblanadi.

Tavakkal qilishimizga to'g'ri keldi. 1:0 dan so'ng oldinga bordik. Yoki durang yoki ikkinchi golni o'tkazib yuborishimiz mumkin edi. Lekin, o'yin so'nggidagi yosh bolalarcha xato bizga qimmatga tushdi", - deya o'z fikrlariga yakun yasadi "So'g'diyona" murabbiyi Davron Fayziev.