"O'yin qiziqarli va keskin o'tdi. Ikkala jamoa ham g'alabaga loyiq edi. Raqib tarkibi juda kuchli, biz ham yaxshi o'ynashga urindik. Menimcha natija adolatli.
Bugun "Metallurg" safida Aleksandr Lobanov yaxshi harakat qildi. Bundan tashqari qanot vakillari Toshqo'ziev va Toshpo'latov katta hajmdagi ishni bajarishdi. Ikkinchi taymda butun jamoam yaxshi o'ynadi. Ubaydullaevda 2-3ta qulay imkoniyat bo'ldi. Ikkinchi bo'limda bizda yaxshiroq ko'proq imkoniyat bo'ldi.
Maydonga keragidan ko'p qum to'kilganini ko'rdik. Aynan shu bois Akbar Ismatullaev jarohat oldi. Ikkala ham jamoa ham 75 foiz kuchini namoyish etdi.
Nima uchun Zohid Abdullaev jamoadan ketib yana qaytdi? Muzaffarovda oilaviy muammolar paydo bo'ldi va u bilan xayrlashdik. Abdullaev bilan uzoq suhbat bo'ldi va u bilan xayrlashish og'ir bo'lgandi. Rahbariyat yordami bilan Abdullaevni baribir jamoaga qaytardik.
Klubda uch yildan buyon ishlab kelayapman, Toshpo'latovni ikki yil davomida o'z jamoamizga olib kelish uchun harakat qildik, ammo faqat bu yil bunga erishdik. Toshqo'ziev 1998 yilda tug'ilgan yosh futbolchi, unga imkoniyat berish kerak edi. Yoshlarga sekin asta ko'proq imkoniyat berib boraveramiz. Yangi futbolchilarning jamoaga qo'shilib ketishlari uchun vaqt kerak bo'ladi", - deydi Andrey SHipilov.
Bosh sahifaga
171