Fevral oyi davomida bo'lib o'tgan qiziqarli va keskin bahslarga boy bo'lgan musobaqada jami 26 ta jamoa g'oliblik uchun kurash olib bordi.
Dastlab, turnirning hududiy bosqichlari viloyatning Olmaliq, Nurafshon, CHirchiq va Yangiyo'l shaharlarida tashkil etildi.
Ularda muvaffaqiyatli qatnashgan Parkent TTB, “Metallurg” (Olmaliq), “Ammofos-MAXAM” (Olmaliq) hamda “Yangiyo'l” jamoalari yarim final yo'llanmalarini qo'lga kiritishdi.
Yarim finalda quyidagi jamoalar o'zaro kuch sinashishdi:
Parkent TTB — “Ammofos-MAXAM” (Olmaliq) – 9:4
“Metallurg” (Olmaliq) – “Yangiyo'l” – 5:2
Final uchrashuvlari O'zbekiston davlat jismoniy tarbiya va sport universitetining sport manejida bo'lib o'tdi.
Dastlab, uchinchi o'rin uchun kechgan bellashuvda “Yangiyo'l” jamoasi “Ammofos-MAXAM” (Olmaliq)ni 8:4 hisobida mag'lubiyatga uchratdi.
Hal qiluvchi o'yinda esa, Parkent TTB futzalchilari “Metallurg” (Olmaliq) jamoasi ustidan 10:3 hisobida yaqqol ustun kelib, birinchi o'rinni egallashdi va Toshkent viloyati hokimi Kubogini qo'lga kiritishdi.
“Toshkent viloyati hokimi Kubogi-2020” musobaqasining nominaciyalari bo'yicha quyidagilar g'olib, deb topildi:
“Eng yaxshi darvozabon” – Laziz Xo'jaahmatov (Parkent TTB);
“Eng yaxshi himoyachi” – Erkin Xudoyorov (“Metallurg”);
“Eng yaxshi hujumchi” – Bekzod Tojiboev (“Ammofos-MAXAM”);
“Eng yaxshi o'yinchi” – Andrey Snetkov (Yangiyo'l).
G'olib va sovrindorlar tashkilotchilar tomonidan viloyat hokimligining qimmatbaho sovg'alari bilan taqdirlanishdi.
Bosh sahifaga
297