Qiziqarli kechgan bahsdan keyin "burgutlar" klubi yarim himoyachisi Abdulloh Olimov bilan suhbatlashdik.
- Abdulloh yangi futbol mavsumi boshlanganligi bilan tabriklaymiz...
- Rahmat tabrik uchun, shu o'rinda barcha o'zbek halqini va futbol muxlislarini yangi mavsum boshlangani bilan tabriklayman.
- "Andijon" 1-tur doirasidagi ilk uchrashuvini Toshkentning "Lokomotiv" jamoasiga qarshi o'tkazdi. Uchrashuv haqida nima deya olasiz?
- Biz "Lokomotiv"ga qarshi bahsga puxta tayyorgarlik ko'rdik, o'yin kurashlarga boy bo'ldi. Standart vaziyatdan gol o'tkazib yubordik va yakunda mag'lub bo'ldik. SHu o'rinda aytib o'tishim kerakki, bizni qo'llab-quvvatlash uchun uzoq yo'ldan kelgan fidoiy Nodirbek To'ychiev boshchiligidagi muxlislarga raxmat aytaman. Nasib bo'lsa keyingi turlarda o'yinlarimiz orqali muhlislarimizni xursand qilamiz.
- O'tgan mavsumda zaxiradan maydonga tushgan o'yinlaringiz ham bo'lgan, bunga sabab nima deb o'ylaysiz?
- To'g'ri o'tgan mavsumda olgan jarohatim tufayli ko'p o'yinlarda jamoaga yordam bera olmadim va ko'p bahslarda zaxiradan maydonga tushdim.
- "Andijon" keyingi turda Qarshining "Nasaf jamoasiga qarshi safarda maydonga tushadi. Bu o'yindan oldingi fikrlaringiz...
- "Nasaf" jamoasi mamlakatimizning eng yaxshi jamoalaridan biri hisoblanadi. Ro'ziqul Berdiev jamoasi o'z o'yin uslubiga ega, garchi mahoratli o'yinchilar jamoani tark etgan bo'lsa ham, ularning o'rni futbol akademiyasidan etishib chiqqan yosh o'yinchilar bilan to'ldirildi.
Nodirbek Abdullaev suhbatlashdi
Bosh sahifaga
224