Artur Gevorkyan: "OCHLdan so'ng oliy liga o'yinlariga moslashish qiyin"

- O'yin juda qiyin bo'ldi. Qo'shimchasiga bu uchrashuv derbi maqomiga ega. "SHo'rtan"ga qarshi bahslar doimo qiyin bo'lib kelgan. OCHL doirasidagi "Al Ahli" bilan bo'lgan uchrashuvda ko'p kuch sarfladik va bu o'yin tempiga o'z tasirini o'tkazdi. Yaratgan vaziyatlarimizni golga aylantira olganimizda hisob boshqacharoq bo'lardi. Birinchi taymda hujumni yakunlashda oqsadik. Jismoniy holatimiz yuz foizga tayyor bo'lmagani bois hujumlarni samarali yakunlay olmadik. Umuman bahs juda qiyin kechdi. Osiyo chempionlar ligasidan so'ng oliy liga o'yiniga moslashish qiyin bo'ldi. "SHo'rtan" jamoasi ham ancha shakllangan, kuchli jamoa ekani ham ko'rinib turibdi. Bu jamoaning murabbiylar shtabida ham yuqori malakali mutaxassislar ish olib borishmoqda. Raqibdan aynan shunday qarshilikni kutgandim. Muhimi mavsumni g'alaba bilan boshladik.