"4-5-1 sxemasi bizga qarshi hujumlarda vaziyat yaratishi kerak edi va shunday bo'ldi ham. Diego Kostaning o'rniga Markos Lorentening tushishi mudofaaga qaratilgan edi, ammo u boshqacha suratda ishlab ketdi. Jamoa uchun xursandman, biz yana Evropaning eng kuchli 8ta jamoasidan birimiz va aqlbovar qilmas tarzda raqibni mag'lub etgan. Futbolda siz raqibning harakatlarini murakkablashtirishingiz kerak. Masalan biz Kosta, Feliks va Korrealar orqali "Liverpul"ni yuqori pressingda ushlab turdik. Ikkinchi goldan keyin ham taslim bo'lmadik va biz gol urgandan keyin o'zgacha bir narsani his qildik.
Lorente? U o'zidan talab qilingan narsani qildi. Men Markos uchun juda xursandman, juda. Bu bizning umumiy g'alabamiz. Har bir o'yinchiga tazim qilaman.
Oblakning sayyoramizning eng kuchli darvozaboni ekanligiga shubham yo'q. Yan Savich, Feliks, Felipelar kabi biz uchun o'ta muhim. "Barselona"ga natijalarni Messi taqdim etganidek, "Atletiko"dagi dunyoning eng kuchli darvozaboni ham shunday. Oblak - ajoyib, u biz uchun natija olib keladi", - deydi Simeone.
Bosh sahifaga
134