Bungacha jamoa boshqaruv postida ishlab kelgan Aleksandr Xomyakov o'z arizasiga ko'ra, “burgutlar” lagerini tark etdi. SHuningdek uning yaqin yordamchisi bo'lgan Jamshid Saidov ham o'z arizasiga ko'ra jamoa bilan xayrlashdi.
SHu bois endilikda “Andijon” futbol klubi rahbariyati murabbiylar shtabiga yangi mutaxassislarni taklif etishni rejalashtirib turibdi. Olingan malumotlarga ko'ra, andijonliklar Rauf Inileevga taklif yubormoqchi. 2007 yilda Osiyoning eng yaxshi murabbiysi deya etirof etilgan 70 yoshli murabbiy yaqin orada “Andijon” rahbariyati bilan muzokaraga kirishishi mumkin. Muxlislar yaxshi bilishsa kerak, Rauf Talgatovich 2006 yili “Andijon” jamoasini boshqargandi. O'sha yili birinchi davrani jamoa 5-o'rinda yakunlagan bo'lsa-da, Inileevga chiqish eshiklari ko'rsatilib, uning o'rniga Edgar Gess olib kelingandi.
SHuni ham aytib o'tish lozimki, Inileev bu safar “Andijon”ga maslahatchi murabbiy sifatida kelishi mumkin. CHunki bosh murabbiy lavozimiga Diyorbek Mirzaboev asosiy nomzod ekanligini aytish mumkin. 2018 yildan buyon jamoada yordamchi murabbiy sifatida ishlab kelayotgan 35 yoshli Diyorbek Mirzaboev klub rahbariyatining qaroriga ko'ra, endilikda boshqaruvni o'z qo'liga oladigan bo'ldi.
Bosh sahifaga
278