- Bizning chempionatda ko'plab serb futbolchilari to'p tepishgan. Siz bu haqda bilarmidingiz?
- Bu erda to'p tepgan ko'p futbolchilarni bilaman. Serblardan hozir Superligada o'ynayotgan barchasini bilaman, Raevac va Jokichlar esa mening do'stlarimdir. Bundan tashqari, bu erda mening "Surxon"da o'ynayotgan do'stim Husniddin G'ofurov ham bor. Biz 3 yil oldin Serbiyada birga o'ynaganmiz. U O'zbekistonda menga ko'p yordam beradi.
- "Qo'qon-1912"ga o'tishingiz qanday kechdi?
- Murabbiy mening o'yinlarimni kuzatgan ekan va shu sababdan meni jamoasiga taklif qildi.
- "Qo'qon-1912"ga keldingiz. Umuman klub va O'zbekiston haqidagi dastlabki taassurotlaringiz qanday kechdi?
- Ilk kunlardanoq odamlaringizning mehmondo'stligi meni hayratga soldi. Mamlakat juda go'zal va aytishim mumkinki, bu erda o'zimni yaxshi his qilyapman.
- Yangi jamoangizdagi ilk o'yinlaringiz haqida nima deya olasiz?
- Taassurotlar juda zo'r va chempionatni g'alaba bilan boshlaganimiz juda muhim. Men stadiondagi muhitdan tasirlandim, muxlislar "Qo'qon-1912"ni sevishadi va bizni ajoyib tarzda qo'llab-quvvatlashadi. SHu bilan birga biz ham maydondagi harakatlarimiz orqali buni qaytarishga harakat qilamiz.
SHaxsan men Qo'qonga kelgan kunimdan boshlab jamoaga moslashib ketishga harakat qilyapman va shuni aytishim kerakki, jamoadagi do'stlarim ajoyib va meni juda yaxshi qabul qilishdi.
- Murabbiylar, jamoadoshlar va moslashish jarayoni qiyin bo'lmayapdimi?
- Moslashish vaqtni talab qiladi. Hamma narsa yangi, ammo aytmoqchi edimki, bu er zo'r va men o'zimni uydagidek his qilyapman. Bosh murabbiy Baxtiyor Ashurmatov boshchiligidagi jamoa zo'r ish olib bormoqda va buni jadvalda ham ko'rish mumkin.
- Hozir koronavirus tufayli futbol to'xtab qolgan. Hozirgi paytda nimalar bilan mashg'ulsiz?
- To'g'risini aytganda bu qiyin, mashg'ulotlar va chempionat to'xtatilgan, hamma narsa yopiq. Oilam bilan bo'la olmayapman va bu juda og'ir. Qo'qonda men Raevac va Bamba bilan mehmonxonadaman va bo'sh vaqtlarimizni yakka tartibdagi mashg'ulotlarga qaratganmiz. Procedurani hurmat qilaman va ishonamanki, bu o'tib ketadi va biz o'yinlarni davom ettiramiz.
- Siz uchun Serbiya tarixidagi eng kuchli 3 futbolchi kimlar?
- Nemanya Vidich, Branislav Ivanovich va Nemanya Matich.
- Eng sevimli jamoangiz va o'yinchingiz?
- Sevimli jamoam yo'q. Ammo, eng yaxshi ko'rgan o'yinchim bu Nemanya Vidich. U o'z vaqtida dunyoning eng kuchli himoyachisi bo'lgan deb o'ylayman.
- Siz bilan o'ynagan yoki sizga qarshi o'ynagan eng kuchli futbolchi kim?
- Toni Kroos.
- Ivan Yosovichning futbolchilik faoliyatidagi eng esda qolarli o'yin qaysi?
- Moskvaning CSKA jamoasiga qarshi o'yin.
Alisher Ostonov suhbatlashdi.
Bosh sahifaga
216